Putin: 'Ukrainako hauteskundeak norabide oneko pauso bat dira'
Vladimir Putin Errusiako presidenteak Ukrainako Donetsk eta Luganks (ekialdea) eskualdeetan errusiazaleek deitutako erreferendum independentistak atzeratzea eskatu du asteazken honetan.
Putinek adierazpen horiek egin ditu Didier Burkhalter Europako Segurtasunerako eta Lankidetzarako Organizazioko presidentearekin izandako bileran, Errusiako komunikabideek jakitera eman dutenez.
"Ukrainako hego-ekialdeko ordezkariei, herrialdearen federazioaren alde daudenei, maiatzaren 11erako aurreikusitako erreferenduma atzeratzea eskatzen diegu", adierazi du Putinek.
Putinek azaldu duenez, errusiazaleei pauso hori ematea eskatu die Kievekin "elkarrizketarako beharrezko baldintzak sortzeko".
Halaber, Errusiako presidenteak esan du maiatzaren 25erako aurreikusitako presidentetzarako hauteskundeak "norabide oneko pauso bat" direla.
Errusiazaleek ostegunean aztertuko dute Putinen eskaera
Donetsk eskualdeko errusiazaleek, Ukraina ekialdean, iragarri dutenez, ostegun honetan aztertuko dute Vladimir Putin Errusiako presidenteak igandeko erreferenduma atzeratzeari buruz egindako eskaera. Lugansken "errespetu handia" diote inguruko herrialdeko presidenteari.
"Bihar eztabaidatuko dute herri asanblean", esan du Denis Pushilin Donetskekeko Herri Errepublikako buruzagiak, Reutersi egindako adierazpenetan.
Putinek OSCEko presidenteari krisiari irtenbidea bilatzea eskatu dio
Vladimir Putin Errusiako presidenteak Ukrainan bizi den krisiari irtenbidea bilatzea proposatu dio Didier Burkhalter Europako Segurtasunerako eta Lankidetzarako Organizazioko presidenteari. Herrialdean tentsioa hazi egin da, errusizaleen hego-ekialdeko liskarrek gora egin dutelako.
"Egoera aztertu eta krisitik ateratzeko era bat aztertzen saiatu behar gara", azaldu dio Putinek Burkhalterri, biak Kremlinean izaten ari diren bileraren hasieran.
Putinen ustez, OSCEko arduradunaren bisita "oso egokia" da, eta biek "Ukrainan bizi diren ezbehar tragikoei buruz" eztabaidatu dutela nabarmendu du. Armada errusiazaleak matxinatutako eskualdeetan kontrola berreskuratzen saiatzen ari da.
Atzo, OSCEko presidenteak Vienan tentsioa jaisteko eskaera bat egin zuen, Ukrainan maiatzaren 25ean izango diren presidentetzarako hauteskundeei begira.
Albiste gehiago mundua
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.