Poroxenkok bere garaipena aldarrikatu du Ukrainako hauteskundeetan
Petro Poroxenkok Ukrainako presidenterako hauteskundeak irabazi dituela aldarrikatu du.
Bozen % 41,49 zenbatuta, Poroxenkok hautesleen % 54,1en babesa jaso du, Hauteskunde Batzorde Nagusiaren arabera.
Bigarren tokian Julia Timoxenko dago, botoen % 13,15 lortuta, eta hirugarren, Oleg Lishko Ukrainako Alderdi Erradikaleko liderra, botoen % 8,53 lortuta.
Emaitzak bat datoz hauteslekuen irteeran egindako inkestek esandakoarekin.
Tymoxenkok porrota onartu du, eta hauteskundeak bidezkoak eta demokratikoak izan direla adierazi du. Dena den, Ukraina NATOn sartu ala ez erabakitzeko referenduma egiteko beharra nabarmendu du.
Poroxenkok Ukraina Europara gerturatzeko lanean jarraituko duela azpimarratu du, baina horren aurretik ekialdera bidaiatuko du "gerra egoerarekin eta kaosarekin" amaitzeko.
Armak uzten ez dituzten bitartean, Luhansk eta Donetsk eskualdeetako matxinoekin ez duela negoziatuko adierazi du. Halaber, "Krimeako okupazioa"onartzeari uko egin dio.
Putinekin bilera
Poroxenkok Vladimir Putin Errusiako presidentearekin batzartzeko asmoa agertu du, ekainaren lehen hamabostaldian, eta matxino errusiazaleen aurkako erasoarekin aurrera jarraituko duela gaineratu du.
"Putinek eta nik ondo ezagutzen dugu elkar", esan du prentsaurreko batean. Poroxenkoren ustez, errusiarrekin egin beharreko bilera ez da bakarrik "bostekoa emateko", ondo prestatu beharreko topaketa baizik.
Ukrainako hauteskundeetako irabazleak argi utzi du Errusia dela Ukrainak inguruan duena herrialderik handiena eta bere parte-hartzea ezinbestekoa dela "gerra gelditzeko eta ekialdean bakea lortzeko".
"Emaitzak behar ditugu, jendea horren zain dago", esan du Poroxenkok Errusiarekin egin beharreko negoziazioez hitz egiterakoan.
Bestalde, aurten Parlamentuko hauteskundeak deituko dituela iragarri du.
Gutxienez pertsona bat hil da tiroketa batean Luhansk eskualdean
Pertsona bat hil eta beste bat zauritu da igande honetan Luhansk eskualdean jazo den tiroketa batean. Serhii Jarovi Ukrainako Barne ministrordeak adierazi duenez, errusiazaleen eta Ukrainako terrorismoaren kontrako polizien arteko istiluak izan dira Luhansk eskualdean.
"Gertakariaren eraginez, pertsona bat hil eta beste bat zauritu da", adierazi dio Jarovik Interfax Ukraina albiste agentziari.
Parte-hartzea
Ukrainako hauteskundeetan parte-hartzea % 60,04koa izan da, ekialdeko lurraldeetan abstentzioa oso altua izan bada ere.
33 milioi pertsona zeuden bozkatzera deituta Ukrainan. Luhansk eta Donetsk eskualdeetan matxinoek boikota egin dute, eta, lehen datuen arabera, bi eskualdeetan 3 milioi pertsonak ez dute botoa emateko aukerarik izan.
Bestalde, Donetsk eta Luhansk eskualdeetako hiriburuetan hauteslekuak ez dituzte ireki ere egin.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.