Eraso militarrei berriro ekin die Kievek Ukraina ekialdean
Petro Poroshenko presidente ukrainarrak uko egin dio astelehenean amaitu zen su etena luzatzeari, eta matxinatu errusiazaleen aurkako eraso militarrak egiteko agindua eman du, herrialdea “askatu” ahal izateko.
Ukrainako gobernu iturriek baieztatu dute segurtasun indarrak errusiazaleek herrialdearen ekialdean dituzten baseak erasotzen ari direla lurretik eta airetik.
Oleksander Turchinov Ukrainako Parlamentuko presidenteak diputatuei adierazi die “terrorismoaren aurkako operazioaren fase aktiboa” martxan jarri dela berriro. “Gure indar armatuak terroristen baseak eta kontrolak erasotzen ari dira” azaldu du.
Bestalde, Oleksi Dimitrashkovski Ejertzitoko bozeramaileak baieztatu du Indar Armatuek tiro egin dutela eta “terroristentzat puntu gakoak diren zonaldetan” aireko erasoak egin dituztela.
Dimitrashkovskik jakinarazi duenez, errusiazaleek Ukrainako Ejertzitoaren hegazkin baten aurka egin dute tiro, baina lur hartzea lortu du.
Erasoak Kramatorsken eta Donetsken
Gutxienez sei pertsona hil eta bost zauritu dira tiroketa batean Kramatorsken, errusiazaleen menpe dagoen Ukraina ekialdeko hirian.
“Gaur goizean lau pertsona hil eta bost zauritu dira Kramatorsken, bidaiatzen zihoazen autobusari tiro egin ostean”, azaldu du Donetskeko administrazioak haren webgunean.
Beste bi pertsona, autobus gidaria eta bidaiari bat, geroago tirokatuta hil dira hiriko beste auzo batean, errusiazaleen bozeramaile batek adierazi duenez.
Donetsken, herrialdearen hegoaldean, polizia bat hil eta beste bi larri zauritu dira, matxinatuek hiriko komisaldegian egindako erasoan.
Donetsketik 20 kilometrora, Marinka eta Karlovka hirietan, borroka gogorrak bizi dituzte Ukrainako Armadak eta matxinatuek, Ostrov albiste agentziak jakinarazi duenez.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.