Gas negar-eragileak bota dituzte Fergusonen etxeratze-agindua eta gero
Poliziak gas negar-eragileak bota ditu Ferguson hirian, kalean zeuden manifestarien kontra, Missouriko gobernadoreak etxeratze-agindua ezarri eta gero.
Jay Nixon gobernadoreak atzo, larunbata, ezarri zuen etxeratze-agindua eta larrialdi egoera Fergusonen, Poliziak orain astebete gazte afroamerikar bat hil zuen hirian.
"Helburua ez da Fergusongo hiritarrak isilaraztea, baizik eta pertsonen ahotsa ekintzekin itotzen ari direnak geldiarazi", esan du Nixonek.
Bitartean, AEBeko Fiskal Nagusiak gaztearen gorpuari bigarren autopsia bat egin diezaiotela eskatu du, “kasua inguratzen duten ezohizko arrazoiengatik eta familiak hala eskatuta”, azaldu du Justizia Sailak.
Etxeratze-agindua, martxan
Agindua gauerdian hasi eta 5:00eta bukatu da, Gobernadoreak -hirira joan zen larunbatean- bertoko agintariekin egindako prentsaurrekok batean azaldu zutenez.
"Goizean hiri hau eguzkiarekin batera altxatuko da justiziaren bilaketari berriz ekiteko", esan zuen gobernadoreak Fergusongo eliza batean egindako agerraldia batean, zenbait hiritarren protesta artean, etxeratze-agindua dela eta.
Tentsioa areagotuz doa, Poliziak Michael Brown tirokatu zuen agentearen izena ezagutarazi eta gazte afroamerikarra agertzen zen bideo bat plazaratu ondoren. Irudietan, ustez gaztea denda batean lapurtzen ari dela ikus daiteke, hil aurretik.
Brownen heriotzak arrazakeriaren inguruko debatea piztu du berriro herrialdean, Trayvon Martin 2012an Floridan zaintzaile batek hil zuen nerabea beltzaranaren oroitzapena gogoan dutela.
Gizon bat larri
Gutxienez pertsona bat zauritu da eta beste zazpi atxilotu dituzte hiri estatubatuarrean bart izandako istiluetan, dozenaka pertsonak agintariek ezarritako etxeratze-aginduari jaramonik ez egin ostean, bertoko hedabideen arabera.
Poliziaren arabera, zenbait agentek protestan parte hartzen ari zen gizon baten kontra tiro egin zuten, eta larri dago.
Albiste gehiago mundua
Hamasek bahitu guztiak askatzea onartu du, baina Trumpen bake planaren baldintzak negoziatzea eskatu du
AEBetako presidenteak proposatutako plana hainbat egunez aztertu ondoren, talde palestinarrak adierazi du proposamenaren puntu batzuk onartzen dituela, baina negoziatzen jarraitu nahi duela.
Trumpek igandera arte eman dio Hamasi Gazarako plana onartzeko, edo "inoiz ikusi ez den infernua piztuko da"
Planak gerra berehala amaitzea, bahituak askatzea eta Gazarako trantsizio gobernu bat eratzea proposatzen du, agintari estatubatuarrak eta Tony Blair Britainia Handiko lehen ministro ohiak gainbegiratuta.
Poliziak baieztatu du Manchesterko sinagogako biktimetako bat agenteen tiroen ondorioz hil zela
Poliziaburuaren arabera, Jihad Al-Shamie susmagarriak ez zeraman suzko armarik, eta tiro bakarrak poliziek egin zituzten, baimendutako armekin, erasotzailea sinagogan sartzea eragozten saiatu zirenean. Hori dela eta, biktimaren bala-zauriak agenteek egin behar izan zituzten, nahi gabe bada ere.
Israelek Gazara zihoan Sumud ontzidiaren azken ontzia atzeman du
Itsasontzi militar bat hurbiltzen eta soldadu israeldarrak ontzira igotzen ikusi dituzte, zuzenean, ontziko kameren bidez. Gazako kostaldetik 42,5 itsas miliara zegoen Marinette itsasontzia abordatu dutenean.
Sumud Flotillak salatu du Israelen atxilotutako kideek ez dutela laguntza legalik jaso
473 atxilotu Israel hegoaldeko espetxe batera eraman dituzte. Bertako iturriek adierazi dutenez, atxilotu gehienek berehala deportatuak izatea onartu dute. Bestetik, flotillako kide ziren parlamentari eta eurodiputatu italiarrak arratsaldean iritsi dira Erromara eta gainerako atxilotuak askatzeko eskatu dute.
Hamasek "laster" iragarriko du Trumpek Gazarako duen planari emango dion erantzuna, baina "mehatxuak eta presioak" salatu ditu
Akordioak lortzeko konpromisoa berretsi du, "denbora odola baita".
Israelek Sumud Flotillako 443 kide atxilotu eta Beersebako espetxe batera eramango ditu ondorengo orduotan
Aurrena, Asdodeko portura eraman dituzte flotillako kideak, eta handik, Beersebako espetxe batera eramatea da Israelgo Gobernuaren asmoa.
Hiru hildako eta hiru zauritu larri sinagoga baten ondoan izandako eraso batean, Manchesterren
Hildakoetako bat erasotzailea bera da. Poliziak tirokatuta hil da. Keir Starmer Erresuma Batuko lehen ministroak aitortu du "atsekabetuta" dagoela erasoarekin, eta azpimarratu du gertatutakoa "are lazgarriagoa" dela Yom Kippur egunean egin delako; juduentzako egunik sakratuenean egin baita, alegia.
Jane Goodall primatologo, etologo eta antropologo britainiarra hil da, 91 urte zituela
Primateetan aditua, "Lady Chimpanzee" izenez ezaguna da txinpantzeekin egindako lanagatik. Haren izena daraman Institutuak jakinarazi du berez hil dela, Kalifornian (Ameriketako Estatu Batuak).
Albiste izango dira: Israelek Global Sumud Flotilla geldiarazi du, EITB Focus eta EITB Maratoiaren aurkezpena
Gaurkoan Orain-en albiste izango direnen laburpena, bi hitzetan.