Estatu Islamikoak David Haines boluntarioa hil du burua moztuta
Estatu Islamikoak David Haines britainiar boluntarioa burua moztuta hil du, taldeak beste bideo batean agertu duenez. Horrez gain, beste britainiar bat, Alan Henning, hiltzeko mehatxua egiten dute, SITE terrorismo adituen taldeak zabaldu duenez.
'Amerikaren aliatuentzako mezua' izendatu duten bideoa larunbatean plazaratu dute, eta James Foley eta Steven Sotloff kazetari estatubatuarren hilketak erakusten zituzten aurreko bi bideoen antzekoa omen da.
Oraingo bideo honetan, jihadisten bahitua (Haines) David Cameron Britainia Handiko lehen ministroari zuzentzen zaio: "AEBrekin koalizioa eratu nahi izan zenuen Estatu Islamikoaren aurka, Tony Blair zure aurrekoak egin zuen bezala eta estatubatuarrei ezetz esateko ausardiarik ez zuten gure lehenengo ministroen joerari jarraituta".
SITEren arabera, litekeena da Hainesen ondoan ageri den borreroa Foleyren eta Sotloffen bideoetan agertzen den hiltzaile berdina izatea. Milizianoak, gainera, mehatxu egiten die Cameroni eta Gobernu britainiarrari grabazioan: Britainia Handiak Estatu Batuekin duen itunak euren "suntsipena arindu" baino ez omen du egingo, eta herritar britainiarrak "beste gerra amaigabe eta odoltsu batera" eramango dituela ohartarazten die.
Londres, bideoa aztertzen
"Badaukagu bideoaren berri, eta lanean ari gara edukia egiaztatzeko", esan du Britainia Handiko Kanpo Arazoetarako Ministerioko bozeramaile batek.
"Ehiza"
David Cameron Britainia Handiko lehen ministroak bere Gobernuko Larrialdietarako Batzordearekin bildu eta gero esan duenez, Britainia Handiak "harrapatuko ditu" David Haines boluntarioaren hiltzaileak.
Armadako, Poliziako eta Inteligentziako ordezkariekin izandako bileraren ostean egindako prentsaurreko batean, Cameronek esan du Gobernu britainiarrak aliatuekin lan egingo duela eta "beharrezkoak diren urratsak" emango dituela Estatu Islamikoaren mehatxuari aurre egiteko.
"Ezin dugu burua makurtu mehatxu honen aurrean, eta gure segurtasuna kaltetu", esan du lehen ministro britainiarrak.
Herrialdeak "pausoz pauso" aurrera egin behar duela nabarmendu du Cameronek, Estatu Islamiakoa "modu lasai eta antolatuan, baina ausardiaz desegiteko eta suntsitzeko".
Albiste gehiago mundua
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.
Miguel Uribe senatari kolonbiarra hil egin da ekainean izandako erasoan jasandako zauri larrien ondorioz
Uribek 39 urte zituen, eta eskuineko alderdi bateko senataria zen. Atentatua gertatu zen egunetik Bogotan ospitaleratuta zegoen. Hainbat ebakuntza egin dizkiote, baina sekula ez du egoera kritikoa gainditu.
Anas al Sharif kazetariaren agur-gutuna: "Jakin ezazue Israelek ni hiltzea lortu duela"
"Hitz hauek iristen bazaizkizue, jakin ezazue Israelek ni hiltzea eta nire ahotsa isilaraztea lortu duela", horrela abiatzen da Anas al Sharif Al Jazeerako kazetariak idatzitako agur-gutuna.
Israelek Anas Al-Sharif kazetari ospetsua eta beste erreportari batzuk hil ditu Gazan
Israelgo Armadak hedabideen langileen kanpin-denda baten kontra jo du erasoa, Gaza hirian. Zazpi lagun hil dira, gutxienez. Nazio Batuen Erakundeak salatu zuen "difamazio-kanpaina" bat egiten ari zela Al Jazeerako informatzailearen aurka.
Segurtasun Kontseiluko Europako herrialdeek Gaza okupatzeko plana alde batera uzteko eskatu diote Israeli
Bahituentzat arriskutsua dela ohartarazi dute Erresuma Batuak, Frantziak, Danimarkak, Greziak eta Esloveniak, eta Gazako egoera humanitarioak okerrera egingo lukeela azpimarratu dute.
Gaza Hiriaren aurkako erasoaldia erdialdeko kostaldeko desplazatuen eremuetara zabaldu du Netanyahuk
"Gerra honen amaiera azkartzeko modurik onena da", adierazi du Israelgo lehen ministroak. Gainera, Gazan goseterik ez dagoela eta guztia "distortsio kanpaina bat" dela esan du.
Chikungunya agerraldia Txinan: 7.000 kasutik gora hego-ekialdean
Chikungunya kasuek gora egin dute nabarmen Txinan, eta 7.000 baino gehiago dira jada. Agintariek berehala hartu dituzte neurriak, eta Foshan hiria fumigatu dute. Covid-19aren pandemia garaia ekarri dute gogora.