Nazioarteak atsekabea agertu du Pakistango sarraskiaren aurrean
Nazioarteak gaitzetsi egin du talibanek Pakistango eskola baten aurka egindako erasoa. 148 pertsona hil dituzte bertan, gehienak, 132, umeak.
Horren ildotik, gertatutakoa "tragedia nazionala" dela deitoratu du Nawaz Sharif Pakistango lehen ministroak, eta "ume errugabeak" hil izana nazioarentzat "galera bat" dela gaineratu du.
Malala Yousafzai Bakearen Nobel saridunak "bihotza hautsita" duela esan du, eta babesa agertu dio Pakistango Gobernuari.
Barack Obama AEBko presidenteak Islamabadi babesa emateko konpromisoa berretsi du, "terrorismoaren aurka borroka egiteko eta bakea eta egonkortasuna sustatzeko".
François Hollande Frantziako presidenteak "hitzik" ez duela esan du, eta Pakistango Gobernuari babesa agertu dio.
Erresuma Batuan, umeen aurkako erasoek "justifikaziorik" ez dutela salatu du Philip Hammond Atzerri ministroak.
Alemanian, Frank-Walter Steinmeier Atzerri ministroak eskolaren aurkako erasoa "azken urteetako krudelena" izan dela salatu du.
Espainiako diplomaziaren buruak, Jose Manuel Garcia-Margallok, atentatuak "gizakien alde txarrena" erakusten duela kritikatu du.
Europar Batasunak konpromisoa agertu du terrorismoaren aurka, eta Pakistango Gobernuari laguntzeko prest azaldu da, Federica Mogherini Atzerri Politikarako komisarioak adierazi duenez.
Azkenik, Ban Ki-moon NBEko idazkari nagusiak umeen aurka egitea "koldarkeria" dela esan du, eta sarraski honek ez duela "justifikaziorik" erantsi du.
Zure interesekoa izan daiteke
Epstein artxiboen zati bat argitaratu du Trumpen administrazioak
Artxiboen artean, Bill Clinton presidente ohiaren irudiak daude, jacuzzi batean etzanda. Mick Jagger eta Michael Jackson ere agertzen dira argitaratu diren argazki berrietan.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".