Grezia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

EBZ: 'Greziak zorra ordaindu behar du. Jokoaren arauak dira'

Bruno Coeuré Europako Banku Zentraleko kidearen arabera, Greziak bere zorra ordainduko ez balu, jokabide hori beste herrialdeetara ez litzateke zabalduko.
Ospakizunak, atzo, Grezian, Syrizaren garaipenaren ostean. EFE.
Ospakizunak, atzo, Grezian, Syrizaren garaipenaren ostean. EFE.
author image

Erredakzioa

Azken eguneratzea

Europako Banku Zentralak (EBZ) uste du Greziak bere zorra ordaindu ezean jokabide hori beste herrialdeetara zabaltzeko arriskurik ez dagoela, EBko kide bakoitzak bere egoera propioa eta bereizia duelako. Bruno Coeuré EBZko kideak egin ditu adierazpenok gaur, Europe 1 irrati-katean egin dioten elkarrizketan. Coeuréren hitzetan, Europako Banku Zentralak hartutako neurriek EBko kideei babes handia ematen diete.

Coeuréren aburuz, Greziak bere zorra ordaindu beste aukerarik ez du, Europako jokoaren arauek horretara behartzen dutelako. "Europan ez dago bakoitzak bere bidea bakarrik egiteko lekurik. Denon artean ezarritako arauak errespetatu behar dira", esan du.

Dena den, zorra nola ordaindu behar den eztabaidatu daitekeela esan du Coeurek, eta zorra epeka ordaintzeko aukera ez du baztertu. "Atenasi utzitako dirua Europako Gobernuena da, eta, beraz, Europa osoari dagokio zorra nola ordaindu erabakitzea", gaineratu du.

"Greziak erreformei eustea ezinbestekoa da, Greziako ekonomiak eta greziarrek aurrera egin dezaten", adierazi du.

Syrizak atzoko hauteskundeak irabazi ondoren, "erreformak egiteko beste modu bat" proposatu daitekeela esan du, baina egin egin behar dira, azpimarratu du. Greziaren diru-iturria Europa da oraindik; "beraz, bere kabuz egin nahi badu ibilbidea, zentzu guztietan izan beharko du autonomo", zehaztu du.

Greziak egun duen zorra ez ordaintzeak Alemaniari 60.000 milioi euroko kaltea eta Frantziari 40.000 milioikoa eragingo liekeela azaldu du.

Grezia matxinatu egin da troikaren aurka
Zentristak, komunistak edo kontserbadoreak: nork babestuko du Syriza?
Tsipras: 'Greziako herriak duintasuna berreskuratuko du'
Munduko albisteak Europa Grezia Eguneko Titularrak Europako Banku Zentrala

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X