Goi kargudunak eta parlamentariak ikertuko dituzte Petrobras auzian
Brasilgo bi ganbera legegileetako presidenteak eta beste 45 politikari, 34 parlamentari eta hiru ministro ohi tartean, ikertu egingo dituzte Petrobras konpainiaren iruzur kasuekin ustez duten arduragatik, Auzitegi Gorenak gaur iragarri duenez.
Teori Zavascki epaileak Fiskaltzaren eskariari jarraitu eta politikarien ardurak argituko ditu, eta enpresaren bitartez milaka milioi dolar desbideratzeagatik ikertuko dituztenen zerrenda zabaldu du, Dilma Rousseffen aldekoak gehienak.
Auzian nahastutako alderdi politikoak agintean dagoen Langileen Alderdia (PT), Michel Temer presidenteordearen Brasilgo Mugimendu Demokratikoaren Alderdia (PMDB), eta Alderdi Aurrerakoia (PP) eta Laborista (PTB) sozialistak dira.
Oposiziotik, Antonio Anastasia Brasilgo Sozial Demokrazia Alderdiko senataria soilik ikertuko dute.
Zerrendaren buru dago Renan Calheiros Senatuko presidentea, eta beste hamaika senatari ere badaude, hau da, Senatua osatzen dutenen % 10a baino gehiago.
Eduardo Cunha Behe Ganberako presidentea eta beste 21 diputatu ere badaude zerrendan.
Auzia duela urtebete hasi ziren ikertzen, eta Estatuko petrolio enpresan duela hamar bat urtetik desbideratu dituzten milaka milioi dolar daude jomugan.
Oraingoz, Poliziak Petrobrasen zuzendari ohiak eta negozio ilunetan parte hartzen zuten enpresariak espetxeratu ditu.
Zure interesekoa izan daiteke
Rafahko pasabidea bihar zabalduko dute, Israelek zehaztu duenez
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira mugatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.