Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Jose Maria Aznar Espainiako Gobernuko presidente ohia eta haren emazte Ana Botella Madrilgo alkate ohia Jeffrey Epstein pederastak 2003an eta 2004an bidalitako bi paketeren fakturetan ageri dira, Donald Trumpen administrazioak atzo argitaratutako dokumentuek jasotzen dutenez.
AEBko Justizia Departamentuak milaka artxibo argitaratu ditu azken orduetan, eta FedEx konpainiaren 220 gramoko pakete baten faktura ageri da horietako batean. Pakete hori Epsteinek berak eta Ghislaine Maxwell orduko bikotekideak bidali zuten Moncloara 2003ko irailaren 2an, eta bi egun geroago jaso zuten. Legealdi hartan, hurbila izan zen oso Espainiako Gobernuaren eta AEBkoaren arteko harremana, baita Aznarren eta George W. Bush presidentearen artekoa ere.
Bigarren paketea, 360 gramo ingurukoa, FAES fundazioak Madrilen zuen egoitzara bidali zuten New Yorketik. Bidalketa hori 2004ko maiatzaren 5ean egin zuten, Aznarrek presidente kargua utzi eta bi aste eskasera, eta maiatzaren 10ean jaso zuten paketea Espainiako hiriburuan.
Pakete horiez gain, 2003ko urriaren 17an, Epsteinek 1.050 dolarreko ordainketa bat egiteko eskatu zion bere bidaia-agenteari, Jose Maria Aznarren izenean. Agente horren zerbitzuak hegaldi komertzialak erreserbatzeko erabili ohi zituen Epsteinek. Ez dago argi ordainketa hori Espainiako presidenteari edo horren semeari (izen bera dute) egin ote zioten; izan ere, Aznar presidentearen semearen izena Epsteinen negozio-harremanen agenda batean azaldu zen 2000. urtean.
Ordainketa egin eta paketeak bidali zirenean, Epstein auzia ez zen ezaguna, 2005ean aurkeztu baitzuten lehen salaketa. Gainera, Epsteinen bi pakete eta ordainketa bat jaso izanak ez du frogatzen irregulartasunen bat egin izana.
Aznarren gertukoek: "Ez du gizon hori ezertaz ezagutzen"
Jose Maria Aznar presidente ohiak ez du albistearen inguruko adierazpenik egin. Horren gertukoek Europa Press albiste agentziari jakinarazi diotenez, ez dakite zergatik ageri den Epsteinen artxiboetan, eta ezagutu ere ez duela egiten erantsi dute. "Ideiarik ere ez. Ez du gizon hori ezertaz ezagutzen", adierazi dute.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.