Obama: 'Iran gezurretan badabil, mundua jakinaren gainean egongo da'
Barack Obama AEBko presidenteak adierazi duenez, Iranek eta munduko sei herrialde garrantzitsuenek programa nuklearraren inguruan lortutako akordioa "ona" da, "Iran gezurretan badabil, mundua jakinaren gainean" egongo delako. Izan ere, herrialde arabiarrak uranioa aberasteko duen programa zaintzapean egongo da.
Lausanan (Suitza) adostutako aurre-akordioaren balorazioa egin du Obamak Etxe Zurian eskainitako agerraldi batean.
Behin-behineko itun honen xehetasun tekniko eta legalak ekainaren 30ean zehaztu beharko dituzte aldeek, baina hori heldu bitartean, AEB, aliatuak eta mundua "seguruago" egongo direla nabarmendu du buruzagi estatubatuarrak.
Agertu duenez, "akordioa ez da konfiantzan oinarritzen, aurrekaririk ez duen egiaztapen batean baizik". Obamaren esanetan, "Iran gezurretan badabil, mundua jakinaren gainean egongo da".
AEBko presidenteak uste du xehetasunek "garrantzia" dutela eta, hortaz, "dena zehaztu arte ez dugu ezer adostu", ekaineko 30eko datari erreferentzia eginez.
Negoziazioekin kritiko agertu diren bi buruzagiei, Benjamin Netanyahu Israelgo lehen ministroa eta Salman bin Abdulaziz Saudi Arabiako erregeari, deitu die Obamak, lasaitasuna eman nahian. Izan ere, Iranekin adostutakoa gorabehera, "Israelen segurtasunarekiko eta Iranek eremuan egin ditzakeen ekintzekiko" kezkatuta jarraitzen duela esan die biei. Dena dela, Obamaren hitzetan, itunari esker, "bonba nuklearrak egiteko aukera gutxiago ditu Teheranek".
Israel, kritiko
Obamaren deiak ez omen du Benjamin Netanyahu Israelgo lehen ministroa guztiz asebete. Itunaren kontrako berbak izan ditu Israelgo buruzagiak eta beste akordio bat ixteko deia egin die 5-1 taldeko kideei.
"Akordio honek Irango programa nuklearra legitimo egin, haren ekonomia bultzatu eta jarrera oldarkorra handitzen du", esan dio Netanyahuk Obamari.
"Testu honetan oinarritutako akordio batek arriskuan jarriko luke Israel", adierazi du buruzagi israeldarrak. Izan ere, haren aburuz, akordioak "bonba nuklearra egiteko bidea erraztuko lioke Irani".
Jarrera epelagoa agertu du Saudi Arabiak, akordioak Iran indartuko duen beldur bada ere. Salman bin Abdulaziz erregeak espero du itunari esker segurtasuna handitzea.
re>
Zure interesekoa izan daiteke
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".