Mediterraneoan azken 20 urteotan izandako etorkinen istripu larrienak
700 etorkin baino gehiagoren bila ari dira Siziliako itsasartean, Italiarantz zihoazela haien itsasontzia hondoratu eta gero. Gaurkoa, azken 20 urteotan Mediterraneo itsasoan gertatu den gisa horretako ezbeharrik larriena da.
Aste honetan bertan, astelehenean, Save the Children erakundeak ohartarazi duenez, beste 400 etorkin hil dira Mediterraneoko uretan, ontzia hondoratuta.
"Datu horiek baieztatuz gero, azken egunotan 1.000 etorkin baino gehiago hil dira Mediterraneoko uretan", adierazi du Carlotta Sami ACNUR Iheslarientzako Nazio Batuen Goi Batzordearen Italiako bozeramaileak. Horren aurrean, konponbide bat eskatu dio Europar Batasunari.
Mediterraneoko uretan azken 20 urteotan izandako etorkin ontzien istripu larrienak:
- 1996-12-26: 280 etorkin inguru hil ziren Sizilia hegoaldeko uretan, ontzia hondoratuta.
- 2009-03-31: Gutxienez, 214 etorkin hil ziren Libiako kostatik gertu, ontzi bat hondoratu ostean.
- 2011-03-22tik 2011-03-27ra: 335 eta 160 etorkin zeramatzaten bi ontzi desagertu ziren Mediterraneo itsasoan, Italiarantz zihoazela.
- 2011-04-06: 300 etorkin baino gehiago zeramatzan ontzi bat irauli zen Italiako Lampedusa uhartetik gertu; 250 pertsona ez zituzten aurkitu.
- 2011-05-06: 600 etorkinez beteriko ontzi bat hondoratu zen Libiako kostaren parean; horietako 130 bakarrik atera ziren bizirik.
- 2011-06-02: 200-270 etorkin zeramatzan ontzi bat desagertu zen Tunisiako kostatik gertu.
- 2013-10-03: 360 etorkin hil ziren Mediterraneo itsasoan, Lampedusara bidean zihoan ontzia hondoratuta.
- 2015-02-11: Gutxienez 300 etorkin hil ziren Siziliako itsasartean; horietako 29 hipotermiak jota eta gainerakoak itota.
- 2015-04-13: 400 etorkin hil ziren Libiako kostaren parean, horien ontzia hondoratuta.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.