Talde negoziatzailea aldatu eta Varoufakis zokoratu du Greziak
Troika-rekin negoziatzeko taldea aldatzea eta Yanis Varoufakis Ekonomia ministroaren papera murriztea erabaki du Greziako Gobernuak, Eurotaldearen azken bilera informalean, Rigan, Europako buruzagiek Varoufakis gogor kritikatu ondoren.
Talde negoziatzaile berria gainbegiratzen jarraitzeko ardura izaten jarraituko du Varoufakisek, baina Euclid Tsakalotos Atzerri Ministerioko bigarrena izendatu du Alexis Tsipras lehen ministroak taldeko koordinatzailea izateko. Horrela gauzak, erabakia Ekonomia ministroa baztertzeko maniobra bat bezala hartu dute Greziako komunikabideek.
Era berean, Nikos Theocharakis Varoufakisen idazkari nagusiak ?Bruselako taldearen? aurrean Greziako ordezkaria izateari utziko dio. Ondorioz, Varoufakisek boterea galduko duela argi dago. Teocharakisen ordez Yorgos Jualiarakis izendatu dute, Yannis Dragasakis presidenteordearen hurbilekoa.
Aldaketa ?positiboak?
Greziak iragarritako aldaketak ?positiboak? direla esan du Europako Batzordeak. ?Taldean koordinazio lana Yorgos Juliarakisek egingo duela iragarri dute Greziako agintariek eta lehen ministroa zuzenean inplikaturik egongo dela uste dugu. Hori positiboa da?, azaldu dute Europako iturriek.
Hala ere, maiatzaren 11ko bilera formala baino lehen premiazko batzarren bat deitzeko asmorik ez dago, nahiz eta Greziako Gobernuak gero eta likidezia arazo gehiago izan.
Eurotaldean bizi duen bakartasuna onartu zuen Varoufakisek berak igandean, Twitter sare sozialean. Horretarako, 1936an Franklin D. Roosevelt AEBetako presidenteak esandakoa erabili zuen Greziako Ekonomia ministroak: ?Nireganako gorrotoan ados daude aho batez; eta nik gorroto horri ongietorria ematen diot?. ?Nire bihotzetik eta errealitatetik gertu dagoen aipua egunotan?, erantsi zuen Varoufakisek.
Albiste gehiago mundua
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.
Israelek dio bahituak askatzeko "akordio integral" bat nahi duela; Hamas, ordea, erantzunaren zain
Hamasek onartutako azken proposamenak erantzunik gabe jarraitzen du, eta AEBk iragarri du "bilera handia" egingo dela, Etxe Zurian.
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Manifestazio jendetsuak izan dira gaur Israelgo kaleetan, ehunka mila pertsona atera dira; hala ere, ekintzak ez dira masiboak izan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoa argitzeko, baina ez du ebidentziarik eman ezer ez frogatzeko. Hogei pertsona hil zituzten erasoetan; tartean, bost kazetari.
Netanyahuren aurkako protesta jendetsua, Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte, eta herrialdeko errepide nagusi batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Kajiki tifoiak hiru hildako eta 10 zauritu inguru utzi ditu, Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du, 90 eta 117 km/h arteko haize-boladekin eta 150 km/h-ko ufadekin.
Hondar-ekaitz izugarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBko aireportu nagusietakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.