Kuba eta AEB berriro bildu dira enbaxaden inguruko akordio bila
Josefina Vidal AEBekin negoziatzeko ordezkari kubatarrak iragarri du gaur amaitu dela AEBekin harremanak berriro ezartzeko negoziazioen laugarren bilera erronda, eta batzar gehiago beharko direla enbaxadak berriro irekitzeko.
Vidalek Washingtonen egin duten bileraren osteko prentsaurrekoan azaldu duenez, "aurrera" egin dute oraindik adosteke dituzten kontuetan.
"Bi ordezkaritzok erabaki dugu misio diplomatikoekin lotutako gaien inguruan eztabaidatzen jarraitzea", adierazi du Vidalek, Kubako Gobernuak enbaxaden irekieraren inguruan aurrerapausoak eman dituztela baina batzar gehiago beharko direla jakinarazi eta gutxira.
Hala ere, Roberta Jacobson AEBren diplomazialariak esan du laugarren bilera erronda "oso produktiboa" izan dela, eta enbaxadak irekitzeko helburutik "askoz gertuago" dagoela.
"Elkarrizketa sorta hau oso produktiboa izan da. Urrats garrantzitsuak egin ditugu azken hilabeteotan, eta harremanak berriro ezartzeko eta enbaxadak irekitzetik askoz gertuago gaude", adierazi du Jacobsonek prentsaurrekoan.
Orain arteko desadostasun handienak AEBren exijentzietan daude, haien diplomazialariek Errusian, Txinan eta Vietnamen duten mugimendu askatasun bera eskatzen baitute; eta Kubak bermeak nahi ditu, egoera hori ez dezaten aprobetxatu disidenteekin harremanak estutzeko.
Albiste gehiago mundua
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko 'Palestinaren aldeko Martxa Nazionalean' parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.
Israelek Arakeko ur astunen erreaktorea bonbardatu du, Iranen
Israelen erasoek Iranen azpiegitura militar eta nuklearra murriztu dute, eta 224 lagun hil egin dituzte, persiar Gobernuaren datu ofizialen arabera
Gazako agintariek jaioberriak elikatzeko premiazko laguntza eskatu dute
Horrez gainera, Osasun Ministerioak salatu duenez Gazako erietxeetan soilik hiru egunerako erregaia gelditzen zaie. Bestetik, 25 pertsona hil eta 120 baino gehiago zauritu dira janari zain zeudenean.
Israelek Teherango hainbat auzo eta toki bonbardatu ditu, tartean Ilargi Gorriaren eraikin bat
Joan den ostiral goizaldean Israelek Iranen aurkako erasoa abiatu zuenetik, Teheranek 400 misil balistiko eta ehunka drone jaurti ditu Israelen aurka.