Bederatzi lagun hil dira maiatzetik Eurotunela zeharkatzen saiatzean
Sudango etorkin bat hil da asteazkenean, kamioi batek harrapatuta, Mantxako Kanalaren azpitik doan Eurotunela zeharkatzen saiatu denean. Frantzia eta Ingalaterraren artean dagoen tunelean 1.500 bat lagun ahalegindu dira sartzen gauean, polizia-iturriak esan dutenez. Hildakoak 25-30 urte bitartean zituen; dagoeneko, bederatzi lagun hil dira azken bi hilabeteetan tunelean eta haren inguruan.
Kanala zeharkatzen duten bagoietako batetik jaisten ari zen kamioi batek harrapatu du etorkina, hura kamioi horretara igotzen saiatzen ari zela, iturriek esan dutenez. Milaka etorkinek erabiltzen dute modu hori Erresuma Batura heltzen saiatzeko.
Azken bi gauetan, helduera masiboa
Azken bi gauetan, etorkinen helduera masiboa izan da Eurotunelean. Astelehenetik astearterakoan, hain zuzen, 2.000 bat hauteman zituzten, iturri ofizialen arabera. Ekipamendua kudeatzen duen Eurotunnel enpresak dio 37.000 etorkin atzeman dituztela 2015 hasi zenetik.
Frantzia eta Ingalaterraren artean dagoen puntu honetarako etorkinen helduera masiboak Calaiseko portuan dagoen lan-gatazkan izan lezake azalpena. Portua geldialdi partziala jazotzen denez, kamioi askok tunelaren aurrean itxaroten dute erresuma Batura igaro ahal izateko. Ondorioz, etorkin asko ibilgailu horietako barnealdean ezkutatzen saiatzen dira, kanaleko beste aldera iritsi ahal izateko.
Bernard Cazeneuve Frantziako Barne ministroa Theresa May Erresuma Batuko bere homologoarekin bildu zen asteartean, Londresen, krisiaz hitz egiteko.
Larri zauritua, Parisen
Egiptoko herritar bat, gainera, larri zauritu da Parisen, Eurostar tren batera ezkutuan igotzen saiatu denean. Trena Erresuma Batura zihoan.
Albiste gehiago mundua
Aitor Zabalgogeazkoa: "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.
Trumpek Armada zabalduko du Washingtonen, eta Poliziaren kontrola bereganatu du
Agintari errepublikanoak krimenengatik kontroletik kanpo dagoen hiriburu baten irudia marraztu du Etxe Zurian egindako agerraldian. Hilketak "munduko okerrenak" diren lekuetan, Bogotan eta Mexiko Hirian, esaterako, baino askoz gehiago direla adierazi du.
Duela 66 urte Antartikan desagertutako zientzialari baten gorpua aurkitu dute
Gorpuzkiak Dennis "Tink" Bell meteorologoarenak dira, 1959an pitzadura glaziar batera erori zen 25 urteko britainiar meteorologoarenak.