Nagasakik bakearen aldeko apustua berretsi du, erasotik 70 urtera
Nagasakiko hiri japoniarrak eraso nuklearra jasan zuenetik 70. urteurrena izan du gogoan, ekitaldi baten bidez. Agintariek, bertan, Japoniako Konstituzioaren izaera baketsua aldarrikatu dute, Gobernuak egin nahi duen erreformaren aurrean.
Bigarren Mundu Gerrako tragedia Bakearen Parkean gogoratu dute, Gobernu zentraleko eta hiriko ordezkari politikoek, 76 herrialderen ordezkariek eta 'hibakusha'k (AEBek jaurtitako bonbardaketa nuklearretatik bizirik irten ziren pertsonak dira).
Ekitaldia 11:02ean hasi da (02:02 GMT), alegia, 'Fat Man' bonba lehertu zen ordu berean. Minutu bateko isilunea egin dute, Bakearen Kanpaiaren hotsak -biktimen omenez- entzuten ziren bitartean.
Ondoren, Tomihisa Taue Nagasakiko alkateak hitza hartu du eta, bertan, nazioartearekin batera ekoizpen nuklearra geldiarazteko ahaleginak egin ditzala eskatu dio Gobernu zentralari. Halaber, Shinzo Abe Japoniako lehen ministroa egiten ari den Konstituzioaren interpretazioa kritikatu du.
"Askok galdetzen diote euren buruari ekimen hau ari ote den Japoniako printzipio baketsua -gerra baten parte hartzea galarazita daukate- urratzen", esan du alkateak Japoniako Konstituzioaren 9. artikulua dela eta.
"Ezin dugu inoiz printzipio hori aldera batera utzi, Japoniako oparotasuna hortik abiatu da. Ezin ditugu ahaztu gerrak utzi dizkigun oroitzapen lazgarriak", esan du Tauek "Bakearen aldeko Adierazpenean".
Abek eta bere Gobernuak oposizioaren kritikei eta herritarren desadostasunari aurre egin behar diete, Konstituzioaren artikulu baketsu horren interpretazio berria egiteagatik. 68 urtez lehen aldiz, AutoDefentsarako Indarrak (Armada) atzerrian aritzea eta aliatuak defendatzea ahalbidetuko du interpretazio horrek.
1945 urteko abuztuaren 6an egin zuen AEBk historia osoko lehen eraso nuklearra Hiroshimaren kontra eta, handik hiru egunera, bigarren bonba atomikoa jaurti zuen Nagasakiren aurka. Horrezkero, Janponiak atzera egin zuen abuztuaren 15ean eta Bigarren Mundu Gerra bukatu zen.
Bonba hiriaren iparraldean bota zuten, industria sarea kokatuta zegoen lekuan eta 74.000 hiritar hil zituen. Ondoren, hurrengo urteetan, milaka pertsona gehiago hil ziren erradiazioaren ondorioz.
Japoniako bi hiri horien kontrako eraso nuklearrak historia osoan gertatu diren bakarrak dira.
Aurreko martxoan, 183.519 hibakusha zeuden bizirik Japonian eta beste herrialdetan; 1980an, aldiz, ia bikoitza, 372.264.
>
Albiste gehiago mundua
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouk hordagoa bota du bere Gobernua erorarazi lezakeen konfiantza mozio batekin
Frantziar estatuan, urte politikoaren hasiera malkartsu dator, bereziki aurrekontuei lotuta. François Bayru lehen ministroak 40.000 milioi euroko murrizketak iragarri zituen 2026ko kontuetarako, eta lurrikara eragin. Gauzak horrela, gaur jakinarazi du konfiantza galdea egingo duela asanblea nazionalean irailaren 8an.
Londresko Notting Hill auzoa musikaz eta kolorez bete da bere urteroko inauteria ospatzeko
Musika afrokaribarra eta kolore askotako karrozak protagonistak izan dira gaur Londresko Notting Hill auzoan. Erresuma Batuan jai-eguna da gaur eta milaka pertsona hurbildu dira inauteriez gozatzeko.
Mikel Ayestaran: “Gosete-larrialdia deklaratzeak ez du egoera lasaitu, tankeak eta hegazkinak etengabe ari dira lanean”
EITBk Ekialde Hurbilean duen berriemaleak kontatu duenez, Israelek Gaza osoa bereganatzeko asmoekin jarraitzen du. Gaza hiriburutik kanporatu nahi dituen herritarrak hegoaldera bidali nahi ditu, Nasser ospitalea dagoen ingurura. Alabaina, inguru horretan erasoek ez dute etenik. Gaur, abuztuak 25, 20 lagun hil ditu, tartean, 5 kazetari.
Gutxienez 20 pertsona hil dira, tartean bost kazetari, Israelek Gazako Nasser ospitaleari egindako erasoan
Erasoetako batek hildakoak eta zaurituak erreskatatzera zihoazen anbulantziak jo ditu. Halaber, Israelgo Armadak seigarren kazetari bat hil du Al Mayasi inguruan, Gazako hegoaldean.
Israelgo Armadaren buruak su-eten akordioa "berehala onartzeko" eskatu dio Netanyahuri
Zamirrek uste du Gaza hiriko operazioak arriskuan jartzen dituela bizirik omen dauden 20 bahituak, eta bahituen senideen aldarrikapenarekin bat egiten du.
Zortzi palestinar gosez hil dira Gazan, eskasiak markatutako beste egun batean
Horiek ere zenbatuta, 289 dira urritik desnutrizioak eta ur faltak eragindako hildakoak, 115 haur tartean. Gainera, gutxienez 45 pertsona hil dira azken orduetan Israelek egindako erasoetan.
Katrina: 20 urte AEBko hurakanik hilgarrienetako batetik
Bi hamarkada dira Katrina hurakanak AEBko hego-ekialdea jo zuenetik. 2.000 hildako eta milaka milioi dolarretako galera materialak utzi zituen zortzi egunez hainbat herrialde zeharkatzean. New Orleansen eragin zuen sarraskirik handiena.
Ukrainak bake seguru eta justua aldarrikatu du Independentziaren Eguneko mezuan
"Munduko bigarren armadarik onenari" aurre egin izana txalotu du Zelenskik, eta EBk eta Trumpek ere zoriondu egin dute.