Egiptoko segurtasun indarrek Mexikoko 12 turista hil dituzte
Egiptoko segurtasun indarrek akats bat egin dute, eta gutxienez Mexikoko 12 turista hil eta beste 10 zauritu dituzte, Barne Ministerioak jakitera eman duenez. Antza denez, turisten ibilgailuak terroristen ibilgailuekin nahastu dituzte.
Poliziaren eta Armadaren patruila bateratu bat “terroristei” segika ari zen mendebaldeko eskualdean, basamortuan, gauerdian Ministerioak kaleratu duen agiriaren arabera. Inguru hartan sartzea debekatuta dago.
Zer gertatu den eta biktimak inguru debekatuan zergatik zeuden argitzeko ikerketa bat abian jarri dutela jakinarazi du Barne Ministerioak agirian.
Enrique Peña Nieto Mexikoko presidenteak erasoa gaitzetsi eta atsekabe handia azaldu du. “Gure herritarren aurkako erasoa gaitzesten du Mexikok eta ikerketa sakona eskatu dio Egiptoko gobernuari”, adierazi du buruzagiak Twitter sare sozialean.
Egiptoko eskualde horretan bidaia turistikoak antolatzen dituzte oasiak bisitatzeko, baina azken urteetan ibilbidea mugatu egin dute segurtasun arrazoiengatik.
Kontrolik gabeko basamortua
Eskualdea Libiako mugatik gertu dago eta horrek armen trafikoa erraztu du. Egiptoko agintariek orain arte ezin izan dute eskualdea kontrolatu. Segurtasun indarren aurkako erasoak gertatu dira bertan.
Egiptoko segurtasun indarrak talde islamiko erradikalen aurkako borrokan ari dira. Erradikalak Sinaiko penintsulan ezkutatzen dira batez ere. 2013ko uztailean gertatutako estatu-kolpearen ondoren talde horien ekintzak areagotu egin dira.
Zure interesekoa izan daiteke
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.