Erregistratu nahi ez duten errefuxiatuekin zer egin eztabaidagai, EBn
Ekialde Hurbileko gatazka guneetatik ihesi Europara iritsitako 160.000 errefuxiatuen auzia mahai gainean izango dute gaur, berriro, Europar Batasuneko Barne ministroek. Prozesua zelan azkartu (100 errefuxiatu bakarrik banatu dituzte hilabetean), eta Europara iritsitakoan erregistratzeari uko egin diotenak zelan hartu behar dituzten eztabaidatuko dute, besteak beste.
Asko dira hatz-markak hartzerik nahi ez duten errefuxiatuak, euren herrialdera bueltan bidaliko dituzten beldur, edota beraiek hartuko dituen herrialdea aukeratzeko modurik ez izateko beldur.
Europar Batasuneko kideek adostutakoaren arabera, poliziarekin kolaboratzeari uko egiten dieten errefuxiatuak sei hilabetez (18 hilabetera luza daiteke) atxiki ditzakete. Aukera, beraz, badago jasota, baina, apartekoa neurria da, "azken aukera gisa" hartzen dena. Kartzelara bidali beharrean, errefuxiatuentzat egokitutako zentroetan atxiki ohi dituzte erregistratu ez diren lagunak.
"Asilo eskubidea badago Europan, baina ezin da estatua aukeratu", ohartarazi du berriki goi agintari batek, azkenaldian izan ohi dituzten arazoei buruz hitz eginda.
Diru-partidak
Gaurko bileran izango da beste hizpiderik. Errefuxiatuak birkolokatzeko plana azkartu beharra dagoela uste dute 28 herrialdeek; batez ere, krisiari aurre egiteko estatu bakoitzak jarri beharreko baliabide eta diru-partidak lehenbailehen bideratu beharra.
Europar Batasuneko herrialdeek egindako ekarpenak urriak izan dira orain arte. Agindutako 2.800 milioietatik 520 bakarrik jaso dira.
Bilera ugari izango dituzte aste honetan Europar Batasuneko agintariek errefuxiatuen krisiari aurre egiteko. Gaurkoaz gain, asteazken eta ostegunean Valletan bilduko dira EBko eta Afrikako estatu eta gobernuburuak, bi herrialdeen arteko kooperazioa handitzeko asmoz. Azaroaren 28an, berriz, beste bilera bat egingo dute Europako agintariek, estrategia adosteko.
Zure interesekoa izan daiteke
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak jakitera eman duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean jarraitzen dute. Garraio publikoa eten egin da eta semaforoak ez dira martxan egon hainbat gunetan. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
AEBk beste petrolio-ontzi bat "lapurtu" diola salatu du Venezuelak
Gobernu chavistak "pirateria" ekintzatzat jo du gertaera, eta tripulazioaren "desagerpen behartua" ere salatu du.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.