X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Frantziako agintariek X sare sozialaren bulegoak miatu dituzte eta Elon Musk enpresaren jabea Justiziaren aurrean deklaratzera deitu dute galdeketa bat egiteko, Parisko Fiskaltzak ohar bidez jakinarazi duenez.
Fiskaltzaren ziberdelinkuentziaren aurkako sailak egin du miaketa, jendarmeriako ziber-unitate nazionalarekin eta Europolekin batera, 2025eko urtarrilean irekitako ikerketa baten baitan.
Fiskaltzak bere komunikatuan zehaztu duenez, diligentzia horien ondorioz, X sare sozialean argitaratzeari utziko dio.
Ikerketa Jendarmeriako Zuzendaritza Nagusiaren (Polizia Nazionala) esku dago, eta bi salaketa jaso ondoren egin da, 2025eko urtarrilaren 12an eta 2025eko uztailaren 9an.
Ikerketa zabaldu zuten X plataformako Grok Adimen Artifizialaren funtzionamendua salatu zutelako, "eduki negazionistak eta sexu-izaerako deepfakeak zabaltzea" egotzita.
Ikertzen ari diren kargu penalen artean, hauek aipatu ditu Fiskaltzak: "izaera pedopornografikoko irudiak edukitzeagatiko konplizitatea", "pertsonen irudien aurkako atentatua (deepfakeak), datuen tratamendu automatizatuko sistema batetik datuak iruzurrez ateratzea, talde antolatuan" eta algoritmoak edo sistema informatikoak manipulatzea.
Fiskaltzak argitu duenez, X plataformaren arduradunak deitzea erabaki dute, tartean Musk, "galdeketa askearen" figura legalaren bidez, atxilotu gabe Justiziaren aurrean agertzea ahalbidetzen duena.
Urrats prozesal formala da, azkenean magnatea formalki inputatzen duten ebazteko. Galdeketa librera ez joateko, baliozko justifikazio bat aurkeztu beharko du.
Musk apirilaren 20an dago deituta, Linda Yaccarinok, Xren zuzendari exekutiboak aurkeztu beharko duen egunerako.
Zure interesekoa izan daiteke
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.