3 taldetan zeuden banatuta terroristak, eta horietako 7 hil egin dira
Francois Molins Frantziako Fiskal Nagusiak gaur arratsaldean eman duen prentsaurrekoan esan duenez, elkarren berri zuten 3 taldek egin zituzten atzoko Pariseko atentatuak.
Berak adierazitakoaren arabera, erasoetan zazpi terrorista hil ziren. Guztiek zeramatzaten lehergai mota berak eta detonagailuak gerrialdean, eta eskuetan, Kalashnikov fusilak.
Fiskalak, Parisen gertatu ziren 6 erasoak deskribatu ditu, banan bana. Bataclan klubean 89 lagun hil zituztela baieztatu du, baita erasotzaileek Siria eta Irakeko gerren aipamena egin zituztela oihuka ere.
Hango erasotzaileetako baten nortasuna jakitea lortu dute hatz-markak aztertu eta gero: 1985ean jaioa Parisetik hegoaldera dagoen Courcourones herrian. Delituak egin izanagatik 8 aldiz epaitua izan zen, baina inoiz kartzelara joan gabe zegoen. Beste erasotzaileetako batek pasaporte siriarra zeraman, baina Polizia frantsesak fitxatu gabe zeukan.
Frantziako Poliziak emandako datuen arabera, Bataclaneko erasoaren egileak lau izan ziren. Horietako hiru gerrian zeramatzaten lehergaiak eztandarazita hil ziren, eta bestea, Poliziak tirokatuta.
Oraindik miaketak egiten ari direla Bruselan, hango ikertzaileekin batera. Hiru lagun atxilotu dituzte han. Euretako batek, erasoetan erabili duten Volkswagen Polo autoa alokatu zuen nonbait (Seat Leon beltz bat ere erabili zuten).
Atxiloketak Belgikan
Koen Geens Belgikako Justizia ministroak baieztatu du "zenbait" lagun atxilotu dituztela Bruselan, Parisko atentatuekin lotura dutelakoan. Atxilotutakoak hiru pertsona dira.
Horren esanetan, hainbat lekukok Belgikako matrikula duen auto bat ikusi dute Bataclan dantzalekuan.
"Segur aski Belgikan alokatutako auto bat da", zehaztu du, eta ibilgailua topatzeko eta nork alokatu zuen argitzeko lanean daudela gaineratu du.
Oraindik ez dago argi zehazki zenbat pertsona atzeman dituzten, baina, bertako hedabideen arabera, hiruzpalau dira.
Stade de France zelaian sartzen saiatu ziren
Pariseko atentatuen egileetako bat Stade de France futbol-zelaian sartzen saiatu zen soinean zeraman leherkaria leherrarazi eta jendearen artean izua zabaltzeko asmoz. Hala zabaldu dute zelaiko segurtasun-iturriek eta informazioa hori Poliziak baieztatu egin du.
Zelaiko segurtasunak terroristaren txalekoa ikusi zuten, Frantzia eta Alemaniaren arteko lagunarteko partidara sartu baino lehenago erregistratu zutenean.
Horren aurrean, terroristak ihes egiten ahalegindu zen, eta zeraman lehergailua eztandarazi zuen 81.000 lagun hartzeko ahalmena duen estadiora sartzeko tuneletako batean.
Frantziak Espainiako Poliziari laguntza eskatu dio auto bat aurkitzeko
Frantziako Poliziak laguntza eskatu dio Espainiakoari, ibilgailu susmagarri bat aurkitzeko. Autoa ostiraleko 21:30ak aldera ikusi zuten, atentatuak gertatu ziren inguruan.
Susmoak dituzten autoa beltza da, Seat Leon markakoa eta GUT1805 matrikula dauka.
Frantziako Segurtasun Indarrak ikertzen dabiltza zenbat terroristak parte hartu zuen atzoko erasoetan.
Albiste gehiago mundua
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Desnutrizioak 250 hildako baino gehiago eragin ditu dagoeneko Gazan, ostiralean hildako 11 lagunak barne
Gazako Osasun Ministerioak emandako datuen arabera, horietatik 108 haurrak dira.
Zelenskiren, Trumpen eta Putinen arteko goi-bilera bat antolatzen laguntzeko prest agertu da Europa
Hala adierazi dute Von der Leyen, Macron, Meloni, Merz, Starmer, Stubb eta Tusk buruzagiek Trumpen eta Putinen arteko goi-bileraren ostean.
320 hildako baino gehiago Pakistanen, eurite bortitzek sortutako uholdeetan
Gutxienez 320 pertsona hil dira Pakistaneko iparraldean, euriteek bat-batean uholdeak eraginda. Khyber Pakhtunkhwa probintzia kolpatuena izan da, biktima gehienak eta dozenaka desagertu baitaude. Agintariek erreskate lanetan jarraitzen dute, milaka kaltetuk laguntzaren zain dauden bitartean.
Trumpek eta Putinek akordiorik gabe itxi dute Ukrainari buruzko Alaskako goi-bilera
Horren ostean, Trump eta Zelenski Washingtonen bilduko dira astelehenean, Alaskan izandako goi-bileraren inguruko xehetasun guztiak hizpide izateko asmoz.
Ben Gvir israelgo ministro ultranazionalistak Marwan Barghouti buruzagi palestinarra bisitatu du espetxean mehatxatzeko
"Ez duzue irabaziko", ohartarazi dio Ben Gvirrek 2002tik kartzelan dagoen Barghoutiri, Israelgo auzitegi batek Bigarren Intifadan bost hilketatan parte hartzeagatik zigortu ostean. "Israelgo nazioarekin sartzen dena, gure seme-alabak eta gure emakumeak hiltzen dituena, lurretik ezabatuko dugu", erantsi du Israelgo ministro polemikoak.