Erasoen ustezko egile intelektuala hiltzeko asmoa zuen Mendebaldeak
Mendebaldeko herrialdeak Abdelhamid Abaaoud Parisko atentatuen ustezko egile intelektuala ?monitore bidez kontrolatzen? ari ziren. Aireko eraso batean hiltzeko asmoa zuten, baina duela aste batzuk galdu zuten haren arrastoa, The Wall Street Journal egunkariaren esanetan.
New Yorkeko egunkariak iturri propioak aipatuz gaur kaleratu duenez, Abaaoud Sirian kontrolatzen ari ziren ?aliatuak?. Aireko eraso bat egitekoak ziren, terrorista hori hiltzeko asmoz, baina ostiraleko atentatuak gertatu baino aste batzuk lehenago galdu zuten haren arrastoa, iturri horien arabera.
28 urteko Abaaoud jatorri marokoarra du, baina Bruselan bizi izan da. Nahiz eta non zegoen ez jakin, Belgikako auzitegi batek zigortu zuen iragan uztailean. 2011tik 2014ra bitartean, Siriara borrokalariak eramateko proselitismoa egotzi zioten.
Gazteari 20 urteko espetxe-zigorra ezarri zioten. Verviersen (Belgikako ekialdea), urtarrilean, desegindako talde jihadistako buruzagia izatea leporatzen diote. Talde hori Greziatik zuzendu zuela uste dute; izan ere, bertan bizi zen horren arrastoa galdu zutenean.
The Wall Street Journal-en arabera, Abaaouden gotorlekua Sirian dago orain. Estatu Islamikoaren aldizkari digital batean agertu zen. Ustezko terroristak barre egiten zuen, Europako agintariak bera harrapatzeko kapaz ez direlako.
Abaaoud Bruselako Molenbeek barrutian bizi izan da. Belgikako komunikabideek gaur jakitera eman dutenez, Pariseko erasoen egile intelektuala dela uste dute bertako segurtasun zerbitzuek.
Sarraskia Siriatik antolatu zuela adierazi dute komunikabideek. Handik Abaaoudek terrorista suizidekin harreman zuzena izan zuela azaldu dute.
Frantziak Ar-Raqqa berriz bonbardatu du
Bestalde, Estatu Islamikoaren aurkako erasoa berriro egin du Frantziako Armadak goizaldean. Hala, Frantziako hegazkinek Ar-Raqqa bonbardatu dute berriz.
?24 orduren buruan bigarren aldiz Estatu Islamikoaren aurkako aireko erasoa egin du Armadak Ar-Raqqan?, iragarri du Defentsa Ministerioak, France Info irratiak jakinarazi duenez.
Frantziako hegazkina. Artxiboko irudia: EFE
Informazioaren arabera, komando zentro bat eta entrenamendu eremu bat suntsitu dituzte erasoan. Hamar Rafale eta Mirage hegazkinek parte hartu dute operazioan.
Frantzia, koalizioa handia osatzeko lanean
Gainera, talde jihadista suntsitzeko nazioarteko, koalizio handia osatzeko lanean hasi da gaur Francois Hollande Frantziako presidentea. Hala, John Kerry AEBetako Estatu idazkariarekin bildu da.
Estatu Islamikoari buruzko informazioa gehiago partekatzea adostu dute AEBek eta Frantziak, Kerryk iragarri duenez. ?Terrorismoaren aurkako borrokan gehiago saiatzea? eskatu du Washingtoneko ordezkariak.
Eliseo Jauregian ia ordubeteko bilera egin dute bi agintariek. Terrorismoaren kontrako borrokan hobetzeko ?pauso esanguratsuak? eman ditzaketela esan du Kerryk.
Jean-Yves Le Drian Frantziako Defentsa ministroak babesa eskatu du, Batasun Itunaren 42.7 artikulua aipatuz. Hortaz, eraso terroristei aurre egiteko defentsa kolektiboa aldarrikatu du Le Drianek. Artikulua horren babesa eskatzen duten lehen aldia da.
42.7 artikuluaren hitzetan, ?Estatu kide bati eraso egiten baldin badiote, gainerako Estatu kideek babesa eta laguntza eskainiko diote, baliabide guztiekin, Nazio Batuen Gutuneko 51. artikuluarekin ados?, baina ?beste Estatu kide batzuen segurtasun eta defentsa politikari kalterik egin gabe?.
Zure interesekoa izan daiteke
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.