Akordioa NBEko Segurtasun Kontseiluan, Siriako gerrarekin amaitzeko
Bost urte igaro dira Siriako gerra hasi zenetik, eta atzo Nazio Batuen Erakundeko (NBE) Segurtasun Kontseiluak aho batez onartu zuen Siriako gerrari amaiera emateko adostutako bide orria.
NBEko Segurtasun Kontseilua osatzen duten 15 herrialdeek Siriari buruzko ebazpena babestu zuten, aurreko hilean Vienan adostu zuten nazioarteko akordioan oinarrituta dagoena. Horren arabera, urtarrilean hasiko dira Siriako erregimenaren eta oposizioaren arteko bake elkarrizketak eta bi aldeek su etena bete beharko dute.
Gainera, akordio horrek sei hilabeteko epea ematen die bi aldeei trantsizioko Gobernu bat eratzeko eta 18 hilabetekoa, ostera, hauteskundeak deitzeko.
NBEko Segurtasun Kontseiluaren ebazpenak Vienako akordioarekin alderatuta berritasun handirik ez badu ere, testuak berak Siriako gatazkaren aurrean herrialdeek egin duten norabide aldaketa erakusten du.
"Onartu berri dugun ebazpena mugarri da", adierazi du John Kerry AEBko Estatu idazkariak. Aldi berean, Kerryk azpimarratu du nazioarteko komunitatea gai izan dela, lehen aldiz, Siriako gatazkaren konponbidearen inguruan ados jartzeko.
Bestalde, Serguéi Lavrov Errusiako Atzerri ministroaren hitzetan, akordioak "Sirian odola isurtzen jarraitzea eragozteko aparteko plataforma" sortzea ahalbidetuko du.
Hala eta guztiz ere, NBEren ebazpenak ez du zehazten zer gertatuko den Bachar Al Assad Siriako presidentearekin eta oposizioko zein taldek parte hartuko duten bake negoziazioetan.
Zure interesekoa izan daiteke
Epstein artxiboen zati bat argitaratu du Trumpen administrazioak
Artxiboen artean, Bill Clinton presidente ohiaren irudiak daude, jacuzzi batean etzanda. Mick Jagger eta Michael Jackson ere agertzen dira argitaratu diren argazki berrietan.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".