24 errefuxiatu, 10 ume tartean, hil dira Grezian ontzi bat hondoratuta
Gutxienez 24 pertsona hil dira Greziako kostaldetik gertu, tartean 10 ume, hainbat errefuxiatu zeramatzan ontzi bat hondoratuta. Ontzia Turkiatik abiatu zen, Greziara iristeko asmoz, Mugarik Gabeko Medikuak gobernuz kanpoko erakundeak jakitera eman duenez.
Gizon bat igerian heldu da Samos uhartera gauean, eta berak eman du gertatutakoaren berri, 'Protothema' egunkariak argitaratu duenez. Reuters agentziak zabaldutakoaren arabera, 40-45 pertsona zihoazen ontzian, Kostazainen bozeramaile baten esanetan.
Kostazainek eta Frontexek horiek bilatzeko operazioa abiatu dute berehala, eta hamar lagun erreskatatu dituzte. Hamaika lagun desagertuta daude oraindik.
180 hildako 2016an
Migrazioetarako Nazioarteko Erakundeak asteartean jakinarazi zuenez, aurten 45.000 pertsona baino gehiago heldu dira Greziara itsasoz; 2015eko urtarrileko datuekin alderatuta, aurtengo kopurua 31 aldiz handiagoa da. Hamar etorkin eta errefuxiatu horietatik bederatzi Siria, Irak eta Afganistangoak dira; izan ere, Mazedoniak hiru herrialde horietako herritarrei bakarrik uzten diete bere herrialdea zeharkatzen.
Mugarik Gabeko Medikuak erakundearen arabera, dagoeneko 180 pertsona hil dira aurten Europako kostaldera heltzeko ahaleginetan. Iaz urtarrilean hildakoen kopurua ez zen erdira ere iritsi.
Migrazioetarako Nazioarteko Erakundeak, ACNUR errefuxiatuei laguntzeko Nazio Batuen Erakundeko agentziak eta beste 65 erakundek 550 milioi dolar (508 milioi euro) eskatu dituzte premiazko egoera horri aurre egiteko.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.