Estatu Islamikoa
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gutxienez 40 gorpu aurkitu dituzte hobi handi batean Ramadin (Irak)

Antza denez, Daeshen biktimak dira. 2015eko maiatzean hiriaren kontra egindako erasoan hildakoak omen dira. 15 hildako, gutxienez, poliziak dira, baina emakumeak eta haurrak ere badaude horien artean.
Irak. Artxiboko irudia: EFE
Irak. Artxiboko irudia: EFE
author image

Agentziak | Erredakzioa

Azken eguneratzea

Irakeko agintariek gutxienez 40 gorpu aurkitu dituzte hobi handi batean Ramadin. Antza denez, Estatu Islamikoaren biktimak dira. 2015eko maiatzean, hiriaren kontra egindako erasoan hildakoak omen dira, probintziako agintariek eta Poliziako iturriek aurreratu dutenez.

Gorpuak ateratzeko lanen irudiak Facebook sare sozialean zabaldu ditu Anbarreko Poliziak. Hiria erori baino lehen, “ISISen aurka borroka egin zuten azkenen gorpuak” omen dira, Sohaib al Rawi gobernadoreak Twitter bidez azaldu duenez.

Daeshek 2015eko maiatzean bereganatu zuen Ramadi, Gobernuaren soldaduek urtebetean bigarrenez atzera egin ondoren. Armada iragan hilean sartu zen berriro hirian. Irakeko iparraldea eta mendebaldea berreskuratzeko kolpe garrantzitsua izan zen.

Hala ere, hondamena eta bidean utzitako lehergailuak bertako bizilagunen itzulera oztopatzen ari dira. Buruzagiek beste hobi handi batzuk topatu dituzte azken asteetan.

15 polizia, emakumeak eta umeak

Muhannad Haimour gobernadorearen aholkulariak Reuters albiste-agentziari baieztatu dionez, 15 hildako, gutxienez, poliziak dira, baina emakumeak eta haurrak ere badaude Al Jamaaiya auzoko hobi handi horretan.

Gorpuak terroristen testigantzei esker aurkitu dituztela zehaztu du Haimourrek. Biktimek tortura zantzuak eta bala markak dituztela erantsi du.

Munduko albisteak Ameriketako Estatu Batuak Estatu Islamiarra Jihadismoa Eguneko Titularrak Irak Ekialde Hurbila

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X