EBtik irteteak lana eta inbertsioa mehatxatzen dituela ohartarazi dute
Erresuma Batuko 100 enpresa handienetako buruzagien herena Europar Batasunean (EB) jarraitzearen alde agertu da eta EBtik irteteak inbertsioan eta enpleguan izango lukeen eraginaz ohartarazi dute enpresariek.
200 enpresaburu inguruk sinatu dute The Times egunkarira bidali duten eskutitza, tartean, Ftse 100 selektiboa osatzen duten BT, Marks & Spencer, Kingfisher edota Vodafone enpresatako presidenteek eta kontseilariek. Horien esanetan, Erresuma Batua Europar Batasunetik irteteak arriskuan jarriko lituzke ekonomia eta enplegua.
"Hobe da Erresuma Batuak Europar Batasunean jarraitzea", adierazi dute sinatzaileek. Enpresarien eskutitz horrek David Cameron Erresuma Batuko lehen ministroaren jarrera indartuko du Boris Johnson Londresko alkate kontserbadorearen jarreraren aurrean; izan ere, hiriburuko alkatea Europar Batasunetik ateratzearen alde agertu da.
Ekainaren 23an Europar Batasunari buruzko erreferenduma egingo da Erresuma Batuan eta iragarpen horrek eragin negatiboa izan du libraren kotizazioan; hala, dolarrarekiko balioa galdu du -astelehenean 2009ko martxotik izandako prezio baxuena harrapatu zuen-.
Zure interesekoa izan daiteke
Trumpek bost egun atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango hedabideek, ordea, hartu-emanik egon dela ukatu dute; euren esanetan, Trumpek atzera egin du "Iranek Mendebaldeko Asiako argindar zentral guztiei erasoko ziela jakin ostean".
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.
EBren eta Mercosurren arteko akordioa maiatzaren 1ean sartuko da indarrean, behin-behinean
Gauzak horrela, merkataritza libreko ituna aplikatuko da martxoa amaitu aurretik akordioa onartzen duten Mercosurreko herrialdeen artean. Oraingoz, Argentina, Brasil eta Uruguaik egin dute hori.
Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago. Ospitaleek eta ur-hornidurarako azpiegiturek dute lehentasuna.
Air Canadako hegazkin batek eta suhiltzaileen kamioi batek talka egin dute New Yorkeko LaGuardia aireportuan
Air Canadako hegazkin batek eta suhiltzaileen kamioi batek talka egin dute igande gauean New Yorkeko LaGuardia aireportuan (Queens). Hainbat lagun zauritu dira, bertako komunikabideek jakitera eman dutenez.
"Persiar golko osoan" minak jarriko dituela mehatxu egin du Iranek, AEBk inguru horretako uharteetan erasoa jotzen badu
Irango Guardia Iraultzaileak entzungor egin dio Trumpen mehatxuari. AEBk zentral elektrikoen kontra egiten badu, “modu berean” erantzungo duela adierazi du Guardiak.
Israelek Teheranen aurkako erasoak areagotu ditu, AEBk eta Iranek elkarri egindako mehatxuen ondoren
Israelgo Armadak defentsa sistemak aktibatu ditu Irandik jaurtitako geldiarazteko. Gerra luzatzea benetako aukera da, adituen arabera.
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.