Rousseffek Lulari: 'Erabil ezazu akta hau behar duzunean'
Dilma Rousseff Brasilgo presidenteak Luiz Inacio Lula da Silva aurreko presidente eta aita ponteko politikoa atxilotzea saihestu nahi izan zuen, bien arteko telefono elkarrizketa batean agerian geratu denez. Elkarrizketok Poliziak grabatu zituen, Justiziak baimenduta, eta Petrobras auzia ikertzen ari den epaileak grabazioa zabaltzeko baimena eman zuen atzo.
Elkarrizketan honakoa esaten dio Rousseffek Lulari: "Erabil ezazu akta hau behar duzunean". Clarín Argentinako egunkariak kaleratu du grabazioa.
Ikertzaileen arabera, elkarrizketak agerian uzten du biak kezkatuta zaudela Lula atxilotzeko aukerarekin, Presidentetza ministro izendatu baino lehen. Ministro denetik, babestuta dago, eta Auzitegi Gorenak bakarrik epai dezake.
Grabazioek hankaz gora jarri dute berez nahikoa nahasi zegoen Brasilgo egoera politikoa. Alderdi Errepublikanoak iragarri duenez, koalizio gobernutik aterako da. Ganberak gaur bertan abiatuko ditu Rousseff ikertzeko izapideak. Oposizioak presidentearen dimisioa eskatu du, eta kaleak manifestariz bete dira.
Beste grabazio bat kaleratzeko baimena ere eman du epaileak. Bertan, Lula ministro batekin ari da hizketan, eta Rousseff konbentzitzeko eskatzen dio, presidenteak Auzitegi Goreneko epaile batekin hitz egin dezan, eta honek bere abokatuen eskaera onar dezan.
Manifestazio jendetsuak
Milaka lagun atera dira kalera Rousseffen dimisioa eta Lula atxilotzea eskatzeko. Sao Paolon, esate baterako, 4.000 manifestari bildu dira, ordu gutxi batzuk lehenago egindako deialdi bati jarraiki.
Brasilgo beste hainbat hiri eta herritan ere, lapiko-protestak egin dituzte egoera salatzeko.
Manifestari talde bat, Rousseffen kontrako pankartekin, Sao Paolon. EFE
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.