Sao Pauloko Fiskaltzak Lula da Silva atxilotzeko eskatu du
Brasilgo presidente ohia estutasunean dago; izan ere, Luiz Ignacio Lula da Silva badaezpada atxilotzeko eskatu du Sao Pauloko Fiskaltzak, dirua zuritzea eta agiriak faltsutzea egotzita, Petrobras enpresaren irregulartasunak ikertzen ari diren ustelkeria kasurekin zerikusia duen auzian.
Lula eta haren emaztea, Marisa Leticia Lula da Silva, Guarujako hondartzan dagoen hiru solairuko luxuzko etxebizitza baten benetako jabeak direla uste du Sao Pauloko Fiskaltzak. Etxea OAS eraikuntza enpresaren izenean dago eta presidente ohiak behin baino gehiagotan ukatu du berea denik. OAS Petrobras eskandaluan murgilduta dago.
Brasilgo presidente ohiaren hitzetan, auzia zuzentzen duen fiskaletako baten ?alderdikeriaren? beste froga bat da salaketa. Fiskala kargua helburu politikoak lortzeko erabiltzen ari dela salatu du Lulak.
Salaketa asteazkenean aurkeztu zuten, baina edukiaren berri atzo eman zuten komunikabideek. Lula badaezpada atxilotzea ?ezinbestekoa? dela uste dute fiskalek, ikerketan muturra sar dezakeelako.
?Legearen gainetik dagoen herritarra?
?Lulak Errepublikako presidente ohi gisa boterea duela badakigu, ondorioz, ihes egitea oso erraz du?, azaldu dute fiskalek.
Testuak Lularen eta haren jarraitzaileen aurka gogor egiten du. ?Errepublikako presidenteak babestu eta defendatzeko indarkeria ekintzak? bultzatzea leporatu die, ?salatua blindatzeko? helburuarekin. ?Legearen gainetik dagoen herritar bat bezala aurkeztu nahi dute; Brasilgo Zuzenbidezko Estatu Demokratikoan onartezina da?, erantsi dute.
Fernando Henrique de Moraes Araujo, Cassio Roberto Conserino eta Jose Carlos Blat Sao Pauloko fiskalak. Argazkia: EFE
Nahiz eta presidente ohiak etxebizitzari uko egin ziola eta dirua itzultzea eskatu zuela argudiatu, estatuburu ohiaren senitartekoek OASi etxean obra garestiak egiteko agindua eman ziotela ziurtatu du Fiskaltzak.
Lula eta haren emazteaz gain, beste 14 pertsona salatu dituzte fiskalek, besteak beste, Fabio Luiz Lula da Silva bikotearen seme nagusiena eta Joao Vaccari Neto Langileen Alderdiko (PT) diruzain ohia.
Sao Pauloko epaile batek Fiskaltzaren eskakizuna aztertu beharko du orain. Salaketa ebazteko eperik ez du magistratuak.
Langileen Alderdiak (PT) Lula babestu zuen atzo, eta buruzagia defendatzeko mobilizazioak deitu zituen.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.