Turkiarekin adostutako akordioari berme legala eman nahi dio EBk
Greziara heltzen diren etorkin eta errefuxiatu guztiak Turkiara kanporatzeko berme legalak bilatuko dituzte gaur Europar Batasuneko gobernuburuek eta estatuburuek, Europako eta nazioarteko zuzenbidea ?erabat errespetatzeko?.
Lehenik, akordioaren inguruan estatu kideek agertu dituzten erreparoak konpondu beharko dituzte Europako buruzagiek. Behin betiko proposamena ostiralean emango diote Ahmet Davutoglu Turkiako lehen ministroari. Davutoglu Bruselara joango da, bileran parte hartzeko.
Siriako errefuxiatuak Turkiara erbesteratzea neurririk polemikoena da. Hala, nazioartearen babesaren bila Europar Batasunean legez kanpo sartzen saiatzen ari direnei presioa egin nahi diete.
Kanporatze kolektiboak
Besteak beste, Nazio Batuen Errefuxiatu Agentziak (ACNUR) egitasmoaren ?legezkotasunik eza? kritikatu zuen, eta espediente bakoitza ?Grezian indibidualki ebazteko? eredua lortzeko lanean ari dira orain EBko agintariak.
Kanporatze kolektiborik izango ez dela defendatzen dute EBko buruzagiek eta, ondorioz, planak asilo zuzentaraua, Giza Eskubideen Gutuna eta Genevako Konbentzioa errespetatuko duela. Aurreakordioa ?onartezina? dela esan du Espainiak, eta errefuxiatuen kanporatze kolektiboak errefusatuko dituela erantsi du.
Greziatik kanporatzen diren Siriako errefuxiatuak Turkiatik birkokatzeko egitasmo bat eskaini du Europar Batasunak. Pertsonekin trafikatzen duten mafien ?negozio eredua hautsiko? duela ziurtatu dute buruzagiek.
?Aldi baterako banan-banan? printzipioa sisteman aplikatu nahi dute, Europako goi-kargudun batek azpimarratu duenez. Planak funtzionatzen baldin badu, aurrerago borondatezko programa batera pasako lirateke, epe luzera errefuxiatuak birkokatzen jarraitzeko.
Turkian errefuxiatuei laguntzeko 6.000 milioi euro eskatu zituen Ankarak. EB ordaintzeko prest dago, Turkiak etorkinen etorrera gelditzen baldin badu.
Albiste gehiago mundua
Bolivian hauteskunde egun historikoa izango dute igandean: baliteke eskuinak agintea eskuratzea ia 20 urteren ostean
Batasun aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Ben Gvir israelgo ministro ultranazionalistak Marwan Barghouti buruzagi palestinarra bisitatu du espetxean mehatxatzeko
"Ez duzue irabaziko", ohartarazi dio Ben Gvirrek 2002tik kartzelan dagoen Barghoutiri, Israelgo auzitegi batek Bigarren Intifadan bost hilketatan parte hartzeagatik zigortu ostean. "Israelgo nazioarekin sartzen dena, gure seme-alabak eta gure emakumeak hiltzen dituena, lurretik ezabatuko dugu", erantsi du Israelgo ministro polemikoak.
Trumpen zein aurpegi ikusiko dugu Putinekin? Hori izango da hitzorduaren gakoetako bat
Donald Trump Vladimir Putinekin bilduko da gaur Alaskan, zalantzaz beteriko bilera batean: AEBko presidenteak buruzagi errusiarra kritikatzea saihestu du iraganean, eta diskurtsoa gogortu du azken hilabeteetan, baina zalantzan dago irmotasun horri eutsiko dion edo Moskurekiko hurbilketa bilatuko duen.
Plastikoen kutsaduraren aurkako nazioarteko itunaren negoziazioek porrot egin dute
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua ez eteteko eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.