Atxilotu egin dute Egiptoko hegazkinaren bahitzailea
Egyptair konpainiako Airbus A320 hegazkinaren bahitzailea atxilotzea lortu dute Zipreko segurtasun indarrek, Nikos Christodoulides herrialde honetako gobernuaren bozeramaileak jakinarazi duenez.
Zipreko Atzerri Ministerioak Twitterren zabaldutakoaren arabera, bahiketa "amaitu" da, eta bahitzailea "atxilotuta dago". Bahitzailea hegazkinetik ateratzen erakutsi du Zipreko telebista publikoak.
Goiz guztia iraun du bahiketak. Aldean bonba zuela esan du gizonak, eta mehatxupean, hegaldiaren ibilbidea aldatu eta Zipreko aireportuan lur hartzera behar du. Tentsio askoren ostean, bidaiari guztiek hegazkinetik ateratzea lortu dute.
Bahiketak ez du terrorismoarekin loturarik izan, Nicos Anastasiades Zipreko presidenteak BBC telebistari esan dionez. "Emakume batekin bakarrik zerikusia" duela ziurtatu du buruzagiak.
Pilotuak lur hartzeko baimena eskatu du eta hegazkina 08:50ean, Larnakako aireportuan, lurreratu da, Alexandrian (Egipto) aireratu ondoren. CyBC telebista publikoak azaldu duenez, hegazkinak 55 eta 80 bidaiari artean eta zazpi tripulatzaile zeramatzan.
Hegazkina Zipreko hegoaldetik 70 miliara zegoenean, Nikosiako aire espazioan dagoeneko, pilotuak lur hartzeko baimena eskatu du, hegazkina bahitu dutela jakitera eman ondoren.
Pertsona bakar batek
Poliziako bozeramaile batek Cyprus Mail egunkariari jakitera eman dionez, hegazkina pertsona bakar batek bahitu du. A320 Airbusa Alexandriatik abiatu da 08:00etan, eta Kairon lur hartu behar zuen, Reutersen arabera.
EgyptAir konpainiako hegazkin bahitua Larnakako (Zipre) aireportuan. Argazkia: EFE
MS181 hegaldiaren bahiketa baieztatu ondoren, bahitzailearekin "negoziatzen" ari direla esan du konpainiak.
Bahitzailea Seif Eldin Mustafa bezala identifikatu du Zipreko Gobernuak, Ibrahim Samaha Egiptoko herritarra egilea denik baztertuz, Famagusta Gazette bertako egunkariak jakinarazi duenez.
Bahiketaren egilea Mustafa dela adierazi du Nikosiako Exekutiboak, bertako egunkariak Twitter sare sozialean zabaldu duenez. Mustafa Libiakoa dela esan dute bertako komunikabideek, baina agintariek ez dute baieztatu.
Ordu batzuk lehenago, bahitzailea Ibrahim Samaha zela adierazi du MENA Egiptoko albiste-agentziak. Samaha Alexandriako Unibertsitatean Albaitaritza irakaslea den egiptoarra da.
Zure interesekoa izan daiteke
Rafahko pasabidea bihar zabalduko dute, Israelen arabera
Gazako Zerrenda eta Egipto lotzen dituen pasabidea gaur irekiko zutela iragarri arren, prozesuaz arduratzen den erakunde militarrak argitu du "atariko prestaketen fase pilotu bat" egiten ari direla, eta palestinarrak ezin direla oraindik bertatik igaro. 16.500 gazatarrek baino gehiagok premiazko osasun arreta behar dute, baina egunero 150 baino ezingo dira bertatik igaro.
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.