Hainbat ospetsuk paradisu fiskalekin duten harremana azalarazi dute
Panamako abokatu-bulego bateko 11 milioi dokumenturen filtrazioak agerian utzi du mundu osoko hainbat politikarik, enpresaburuk eta famatuk paradisu fiskaletan dauden enpresekin duten harremana. Enpresa horiek zergak ordaintzeari ihes egiteko balio izan zezaketen.
Kapitalak eta ondasunak kudeatzen berezituta dagoen Mossack Fonseca Panamako abokatu-langelaren aurka egindako eraso informatikoak nazioartean oso ezagunak diren hainbat pertsonari (besteak beste, 72 estatubururi edo estatuburu ohi izandakoei) eragiten die.
Hainbat estatubururen izenak agertzen dira paperetan, Mauricio Macri Argentinako presidentea, Petro Poroshenko Ukrainakoa eta Salman bin Abdulaziz errege saudia tartean. Agintari argentinarrak informazio horiei erantzun die, eta prentsa-ohar batean aitortu du Bahametako elkarte baten zuzendaritzan egon zela, baina sekula ez zela enpresa horren akziodun izan.
Vladimir Putin Errusikao presidentearen, Bashar al Assad Siriakoaren edo Muamar Gadafi Libiako buruzagi zenduaren gertukoen izenak ere ageri dira. Hala, guztira 72 estatuburu edo estatuburu ohi daude zergetan aurrezko, dirua zuritzeko edo isunak saihesteko enpresa sareetan.
Era berean, hainbat pertsona ezagunen izenak ere badaude paper horietan: Ivan Zamorano futbolari ohia, Leo Messi futbolaria, Pilar de Borbon Juan Carlos Espainiako erregearen arreba, Pedro Almodovar zinema zuzendaria, eta abar.
Reala
Reala da zergak saihesteko ustezko sareetan parte hartzen zutenetako futbol taldeetako bat, paper horietan agertzen denez. Izan ere, Realak zerga paradisuen bitartez ordaintzen omen zien jokalari atzerritarretako zazpiri.
Filtrazioaren arabera, 2000 eta 2008 artean jokatu zuen modu horretan Realak, Panaman, Birjina uharteetan, Herbehereetan, Suitzan eta Jerseyn dauden enpresen eta bankuen bitartez.
Eraso informatikoa
BBC edo Le Monde-k jasotzen dutenaren arabera, Mossack Fonseca abokatu-langelak bere bezeroei jakinarazi die "zoritxarrez" eraso informatiko bat jasan duela eta esku artean zituen datuak erasoaren eraginpean egon daitezkeela.
BBCk bere webgunean adierazi duenez, Panamako paperak izenarekin ezaguna egin den dokumentazioen filtrazio masiboak hamaika milioi agiri ditu, eta horietan nazioarteko esparruan garrantzia duten pertsonen diru-mugimenduak jasotzen dira.
Hedabide berak dio ez duela ezagutzen zein den informazioa eskuragarri jarri dion iturria.
dion iturria.Albiste gehiago mundua
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.