Zerga eta pentsioen erreforma onartu du Greziako Parlamentuak
Zerga eta pentsioen erreforma onartu du Greziako Parlamentuak. Hala, nazioarteko hartzekodunekin dituen konpromisoak betetzea espero du Gobernuak. Sindikatuek hiru eguneko mobilizazioak egin dituzte.
Syrizak eta Greziar Independenteek (ANEL) bat egin, eta Exekutiboaren proposamenak onartu dituzte, aldeko 153 boto jasota. 143 parlamentarik eman dute kontrako botoa.
Horrela, zerga zuzenak nahiz zeharkakoak eta pentsioak erreformatu ditu Gobernuak. Neurri horiekin, urtero 5.400 milioi euro aurreztea espero du Exekutiboak, eta 2018an BPGaren % 3,5eko superabita espero du Gobernuak, udan sinatutako hirugarren erreskateak aurreikusi bezala.
Astelehenean Eurotaldea bildu baino lehen erreforma-sorta onartzeak erreskateari lagunduko diola esan du Greziako Exekutiboak. Greziak premiazkoa du erreskatearen dirua jasotzea, uztailean zorraren ordainketa garrantzitsuak egin behar baititu.
Parlamentuan bozkatuko dute, sindikatuek hiru eguneko mobilizazioak deitu ondoren. Greziako sindikatu nagusiek 48 orduko greba orokorra egin zuten ostiralean eta larunbatean, eta, igandean, manifestazioak egin dituzte Atenasko erdialdean eta Parlamentuaren aurrean.
Protestarik jendetsuena ADEDY sektore publikoko sindikatuak deitu du. 10.000 pertsona inguru bildu ditu Ganberaren aurrean.
Greziako Parlamentua. Argazkia: EFE
Bost pertsona atxilotu dituzte istiluetan
Manifestari talde batek molotov koktelak, harriak eta suziriak bota dituzte. Poliziak negarra eragiteko gasa eta granadak jaurtiz erantzun du.
Greziako Poliziaren eta manifestari taldeen arteko liskarrak izan dira, eta bost pertsona atxilotu dituzte. Protestek zenbait orduz jarraitu dute Exarjia auzoan, hiriburuaren erdialdean.
Igande goizean, PAME sindikatuak elkarretaratzea egin du. Poliziaren arabera, 7.000 pertsonak parte hartu dute bertan. GSEE sektore pribatuko sindikatu nagusiak, bere aldetik, 1.500 pertsona bildu ditu beste protesta batean.
Gainera, igandean lanuzteak egin dituzte hiriburuko garraio publikoan.
Zure interesekoa izan daiteke
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.