Kanadako baso-suteak hilabeteak eman ditzake piztuta
Albertako sute erraldoiak 161.000 hektarea baso kiskali ditu dagoeneko Kanadako ipar-mendebaldean. Hilabeteak eman ditzake piztuta eta eguraldiak bakarrik geldiarazi dezake sua, buruzagiek onartu dutenez.
Sua duela astebete piztu zen. Oraindik zergatik hasi zen ez dute argitu. Azken orduetan, geldoago aurrera egiten ari da, Fort McMurrayko eskualdean euria egiten hasi delako. Gainera, fronte polar bat heldu da eta tenperaturek behera egin dute. Hala ere, suteak kontrolik gabe eta probintziako ipar-ekialderantz aurrera egiten jarraitzen du.
Sugarrak kontrolatu ahal izateko modu bakarra euri-zaparrada handien laguntzarekin izango dela onartu dute berriro suhiltzaileek. Oraingoz halakorik gertatzea ez da espero, iragarpenen arabera.
Fort McMurray, hustuta
Fort McMurray, Torontotik 2.600 bat kilometrora, guztiz hustu behar izan zuten asteartean. 70.000 bizilagun baino gehiago ditu hiriak. 70 kilometro orduko haize-boladak sugarrak bultzatzen ari dira, Albertako probintziako ipar-ekialderantz.
Guztira, 90.000 pertsona inguruk etxea utzi behar izan dute. Kasu gehienetan ezin izango dira etxera itzuli asteetan edo hilabeteetan.
Suhiltzaile bat Albertako (Kanada) basoetan. Argazkia: EFE
Fort McMurray guztiz inguratu dute sugarrek. 200 bat suhiltzailek soilik hirian jarraitzen dute, suak oinarrizko azpiegiturak ez kiskaltzeko; nazioarteko aireportua edo hondakin-uren araztegia esaterako.
Nahiz eta sua itzaltzeko taldeak saiatzen ari, 1.600 eraikin baino gehiago guztiz erraustu ditu suteak hirian eta auzoetan, batez ere behe-auzoetan.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.