Hillary Clinton: 'Lorpen gogoangarria da'
Azken hilabeteetako barne-hauteskunde demokratak irabazi ditu Hillary Clintonek.
“Gure historian aurrenekoz emakume bat presidentegai izendatuko du bi alderdi politiko nagusietako batek”, adierazi du lehen dama ohiak Brooklynen (New York).
“Zuei esker, lorpen gogoangarria da”, esan du Estatu idazkari ohiak hunkiturik, une historikoa delako.
Gaur beste sei estatutan barne-hauteskunde demokratak egin behar zituzten gaur, New Jerseytik Kaliforniara. Bernie Sanders senatariaren ordezkari kopurua aise gainditu du Clintonek.
Presidentegai ofizialki izendatuko dute konbentzio demokratan, uztailaren 25etik 28ra.
Hitzaldian, hamarkadetan zehar ideia progresisten alde borroka egin duten “belaunaldien” garaipena dela esan du Clintonek. Zentzu horretan, emakumeen lana goraipatu du.
Batasuna
Sanders zoriondu du buruzagiak, lehia “aparta” izan delako. Ideia “oso onekin” Sandersek Alderdi Demokratari eta AEBri egindako ekarpena azpimarratu du Clintonek.
“Baturik indartsuagoak garela badakigu”, nabarmendu du Clintonek, barne-hauteskundeak amaitu ondoren, demokraten arteko batasuna aldarrikatzeko.
Sandersek ez du etsiko
Bestalde, izendapen demokrata lortzeko, uztaileko konbentzio nazionala egin arte kanpainarekin jarraituko duela iragarri du Bernie Sanders Vermonteko senatariak.
Sandersek Santa Monikan (Kalifornia) egin ditu adierazpenak, Clintonek bere burua garailetzat jo eta ordu batzuk geroago.
“Washington D.C.ko barne-hauteskundeak irabazteko gogor borroka egingo dugu, eta ondoren justizia sozial eta ekonomikoren aldeko borroka Filadelfiara eramango dugu”, adierazi du Sandersek.
i du Sandersek.Albiste gehiago mundua
Hamasek "laster" iragarriko du Trumpek Gazarako duen planari emango dion erantzuna, baina "mehatxuak eta presioak" salatu ditu
Akordioak lortzeko konpromisoa berretsi du, "denbora odola baita".
Israelek Sumud Flotillako 443 kide atxilotu eta Beersebako espetxe batera eramango ditu ondorengo orduotan
Aurrena, Asdodeko portura eraman dituzte flotillako kideak, eta handik, Beersebako espetxe batera eramatea da Israelgo Gobernuaren asmoa.
Hiru hildako eta hiru zauritu larri sinagoga baten ondoan izandako eraso batean, Manchesterren
Hildakoetako bat erasotzailea bera da. Poliziak tirokatuta hil da. Keir Starmer Erresuma Batuko lehen ministroak aitortu du "atsekabetuta" dagoela erasoarekin, eta azpimarratu du gertatutakoa "are lazgarriagoa" dela Yom Kippur egunean egin delako; juduentzako egunik sakratuenean egin baita, alegia.
Jane Goodall primatologo, etologo eta antropologo britainiarra hil da, 91 urte zituela
Primateetan aditua, "Lady Chimpanzee" izenez ezaguna da txinpantzeekin egindako lanagatik. Haren izena daraman Institutuak jakinarazi du berez hil dela, Kalifornian (Ameriketako Estatu Batuak).
Albiste izango dira: Israelek Global Sumud Flotilla geldiarazi du, EITB Focus eta EITB Maratoiaren aurkezpena
Gaurkoan Orain-en albiste izango direnen laburpena, bi hitzetan.
Milaka pertsona irten dira kalera Italian Flotilla atzeman dutela salatzeko
Italiako hiriburuko erdigunean 10.000 pertsona inguru bildu dira manifestazioan, hango hedabideen arabera. Italiako sindikatu nagusiak, CGILek, greba orokorra deitu du ostiralerako, "herritar italiarrak zueden ontzien aurkako erasoa" salatzeko.
Israelgo Armadak Global Sumud Flotillako hainbat ontzi abordatu ditu
Flotillak baieztatu duenez, gutxienez 'Alma' eta 'Sirius' ontziak abordatu dituzte. Azken horretan, Ada Colau Bartzelonako alkate ohia doa. Instagrameko mezu batean adierazi dutenez, tripulatzaileen segurtasuna berresteko lanean ari dira. Italiako Defentsa ministroak adierazi du ontzidia inguratuta dagoela eta Ashdodera (Israel) eramango dutela.
Hamasek Trumpen Gazarako plana aztertzen jarraitzen du, baina Israelek erabat beteko duela bermatzea eskatu du
Negoziazioen berri duten iturrien arabera, Palestinako mugimenduak bermeak eskatzen dizkie bitartekariei; Israelek su-etena urratuko ez duela eta Gazatik aterako dela ziurtatu nahi du.
Gaza erabat setiatzear dagoela esan du Israelek, eta ihes egiteko "azken aukera" eman die gazatarrei
"Hegoalderatz joatea da Gazako biztanleek duten azken aukera, Hamaseko terroristak Gazako hirian isolatuta utzita, Israelgo Indar Armatuen jarduerek jarraituko dutelako", ohartarazi du Israel Katz Israelgo Defentsa ministroak.
Leherketa bat eta hainbat gertakari izan dira Munichen, eta itxi egin behar izan dute Oktoberfest azoka
Municheko Oktoberfest azoka, irailaren 20tik martxan den munduko garagardo-azokarik jendetsuena, itxi egin behar izan dute gaur, "egiaztatutako bonba-alerta baten ondorioz". Etxe bat eta hainbat auto kiskali dituen sute baten ostean, poliziak "gertakariarekin lotutako" gorpu bat aurkitu du. Municheko alkatearen arabera, "mehatxuak dakartzan eta serio hartu beharreko" gutun bat ere aurkitu dute.