Frantzia, gotortuta, Eurokopa dela eta
Burdin jantzia jarri du Frantziak Eurokopa dela eta. Aurreneko partida, Frantziaren eta Errumaniaren artekoa (gaur, 21:00etan), Saint Denis auzoan dagoen Frantziako Estadioan izango da, azaroan Paris astindu zuten atentatu oldeen lehen jomugan.
Hilabeteko epean, ehunka mila zale espero dituzte Frantziako 10 hiritan. Jarraitzaileon eta turiston segurtasuna bermatu beharko du Frantziak, eta atentatuen mehatxupean eta lan erreformaren kontrako greben presiopean egin beharko du, gainera.
Zereginotan, 90.000 agente arituko dira: poliziak, jendarmeak, militarrak, boluntarioak eta segurtasun pribatuko langileak.
Francois Hollande Frantziako presidenteak asteon aitortu duenez, "mehatxua egon badago, eta denbora luzean egongo da. Hala, hartu beharreko neurri guztiak hartu beharko ditugu Eurokopa arrakastatsua izan dadin".
Dena dela, errealistak ere badira Frantziako agintariak. Bernard Cazeneuve Barne ministroaren hitzetan, "% 100eko babes maila ezartzeak ez du arriskua % 0an uzten".
Mehatxuari aurrea hartzeko asmotan, sakelakoetarako aplikazioa prestatu du Gobernuak. Balizko atentatuen aurrean zelan jokatu behar den azaldu eta unean uneko informazioa ematen du aplikazioak.
Zaleen guneak edo 'fan zone'ak mantentzea erabaki du Hollanderen gobernuak. Oposizioak gogor kritikatu du neurria, eremuok kontrolatzeko eta segurtasuna bermatzeko zailtasunak handiak baitira.
"Fan zoneak ez baleude, jarraitzaileak inongo ordenarik gabe pilatuko lirateke, eta arriskua biderkatu egingo litzateke", esan du Cazeneuvek. Gune horietara sartzeko araketak, metal-detektagailuak eta bestelako segurtasun neurriak ezarriko dituztela iragarri du.
Grebak eta protestak
Lan erreforma dela eta, sindikatuek Frantziako Gobernuarekin duten gatazka areagotu egingo da Eurokoparekin. Izan ere, futbol hitzordua baliatu nahi dute langileek presioa egiteko.
Mobilizazio nagusia maiatzaren 31tik abian den SNCF tren-konpainiaren greba mugagabea da. Gobernuaren esanetan, ostiral honetako jarraipena txikia izaten ari da (ia % 8koa), baina abiadura handiko trenen % 20ri eragiten dio.
Trenen zerbitzua bermatzeko "hartu beharreko neurriak" hartzeko prest agertu da Hollande. EFE
Horrez gain, larunbatetik aurrera, lau eguneko greba iragarri dute Air Franceko pilotuek. Bost zentral nuklearretan eta beste hainbeste findegitan blokeo eta lanuzteak daude. Portuetako eta zabortegietako langileak ere greban daude, baita hiri nagusietan zaborra biltzeaz arduratzen direnak ere.
Errekerimenduak
Grebek Eurokopa ikustera joango diren bidaiarien joan-etorrietan eragin ditzaketen eragozpenei buruz galdetuta, ohartarazpena egin du Hollandek. "Estatuak hartu beharreko neurriak hartuko ditu", horren esanetan, zerbitzua bermatzeko.
Ildo beretik mintzatu da gaur Alain Vidalies Garraioen Estatu idazkaria. Iragarri duenez, Frantziako Gobernuak errekerimenduak bidaliko dizkie grebalariei lanera bueltatzeari "beharrezko" irizten badio.
Vidaliesen aburuz, "tren edo aire garraioko langileak hitzordu handi honen kontra azaltzen badira, Frantziaren eta frantsesen kontra ariko dira".
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.