Baliteke AEBk 116 zibil baino gehiago hil izana dronekin
Ameriketako Estatu Batuetako inteligentzia zerbitzuak ostiral honetan, uztailak 1, azaldu duenez, baliteke Barack Obama presidente izendatu zutenetik, 2009. urtean, 64 eta 116 zibil inguru hil izana tripulaziorik gabeko aireko ibilgailuekin –dronak-. Gainera, urte hauetan 473 eraso egin dituztela esan dute: Pakistanen, Yemenen, Somalian eta Libian.
Hala ere, giza eskubideak defendatzen dituzten zenbait erakundek adierazi dutenez, benetako kopurua askoz ere handiagoa da, AEBko inteligentzia zerbitzuak ez dituelako kontuan izan gerran dauden beste zonalde batzuk, hala nola, Irak, Siria eta Afganistan.
Alde horretatik, New America Foundation erakundeak egindako kalkuluen arabera, Obama kargua hartu zuenetik 250 zibil hil dituzte dronen bidez. Beste erakunde batzuen arabera, berriz, urte hauetan hil dituzten zibilak 358 izan daitezkeela diote. Gutxi batzuk, gainera, mota horretako erasoetan 1.000 pertsona inguru hil dituztela uste dute.
Modu horretan, lehenengo aldia da AEBk tripulaziorik gabeko aireko ibligailuak erabilita eragin dituen hilketen berri ematen duena. Izan ere, 2002. urtean hasi ziren dronen bidez terroristei eraso egiten, baina Obama presidente izendatu zutenetik hona, erasoen kopuruak gora egin du aurretik aipatutako herrialde horietan.
Txostenarekin batera, Obamak dekretu bat publikatu du, zeinaren bidez terroristen kontrako erasoak egiteko orduan lehentasun bezala zibilak babestea eta erasoetan eragindako hildakoen inguruko informazioa argitaratzea eskatzen duen.
Gainera, txostenak jasotzen duenez, urte hauetan 2.372 eta 2.581 “borrokalari” inguru hil dira tripulaziorik gabeko aireko ibilgailuekin egindako erasoetan. Halaber, Ameriketako Estatu Batuetako Gobernuak egindako kalkuluen artean eta Gobernuz Kanpoko Erakundeen (GKE) estimazioen artean desadostasunak egon daitezela aitortzen du.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.