Donald Trump, Etxe Zurirako hautagai errepublikanoa
Azaroaren 8ko hauteskundeetan AEBko presidentegai izateko Alderdi Errepublikanoaren hautagaitza ofiziala lortu du Donald Trump handi-mandiak. Duela urtebete utopia ematen zuen, baina gaur errealitatea da.
Konbentzio Nazional Errepublikanoaren bigarren jardunaldian lortu du izendapena handi-mandiak, Clevelanden (Ohio). Ordezkari errepublikanoek Trump aukeratu dute jai-giroan egindako bozketan.
Handi-mandiak minutu gutxi batzuk behar izan ditu Twitter sare sozialean mezua zabaltzeko: "AEBko presidentegai errepublikanoa izatea ohore handia da".
"Gogor egingo dut lan eta ez dizuet huts egingo! AMERIKA LEHENENGO!", erantsi du Trumpek. Ondoren, bideokonferentzia eman du New Yorketik zuzenean (bera ez da bozketan izan), eta barne-hauteskundeetako garaipena "historikotzat" jo du.
"Gaurkoa oso egun berezia izan da, eta ez dut sekula ahaztuko", azpimarratu du aberatsak. 1.237 botoko muga gainditu du, hori baita gutxieneko kopurua hautagaitza ofizial bihurtzeko.
Quicken Loans pabiloian, milaka konpromisariok "Trump, Trump, Trump!" oihuka eta txalo artean hartu dute erabakia. Une erabakigarria New Yorkek, enpresaburuaren jaioterriak, 89 ordezkari eman ondoren heldu da.
Hunkiturik baina ozen, Donald Trumpen seme zaharrenak (Donald Jr.) New Yorkeko ordezkarien aukera irakurri du, Ivanka eta Eric anai-arrebekin batera.
Donald Jr., Donald Trumpen seme zaharrena. Argakia: EFE
Oposizio handia
Zenbaketaren arabera, 1.725 ordezkariren babesa jaso du handi-mandiak. Guztira, 2.472 ordezkarik zuten botoa emateko eskubidea. Beraz, ordezkari guztien % 69,8 Trumpen hautagaitzaren alde agertu dira, eta % 30,2 kontra.
Kontra agertu diren ordezkarien kopurua 1976tik izan den handiena da. Gerald Fordek Ronald Reagan garaitu zuen konbentzio errepublikanoan orduan.
Hala ere, bozketak behin betiko baztertu du Never Trump fakzioko ordezkarien iraultza. Handi-mandiarentzat garaipen pentsaezina zen 2015eko ekainaren 16an AEBko presidentegai izateko bere burua aurkeztu zuenean. Adituek eta komunikabideek txantxetan hartu zuten. Ezina zirudiena, baina, gauzatu da azkenean.
tu da azkenean.Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.