Ez dute loturarik ikusi Municheko erasotzailearen eta ISISen artean
Alemaniako Poliziak baztertu egin du Munichen ostiralean izandako tiroketak Estatu Islamikoarekin edota azken aldian izandako migrazio-oldearekin loturarik izatea. Horrenbestez, agintariek esku artean duten hipotesi nagusiak ez du "arrazoi politikorik" ikusten atzoko gertakarian; aitzitik, Municheko Fiskaltzaren aburuz, atzo hiri horretako merkatalgune batean izandako erasoak erotasun-ekintza baten ondorioz jazo zen.
Hubertus Andrae Municheko Poliziaren arduradunak prentsaurrekoan baieztatu duenez, Ali David Sonboly 18 urteko tiratzaile bakarrak bederatzi pertsona hil eta 27 zauritu zituen, horietako 10 larri egonik. Antza denez, gazteak (zeinaren nortasuna ez duten jakitera eman) bere buruaz beste egin zuen buruan tiro eginda, nahiz eta oraindik ere 300 bala zituen tiro egiten jarraitzeko.
Segurtasun indarrek susmagarriaren etxebizitza miatu dute larunbat honetan. Gaztea Munichen jaio eta bizi izan zen, nahiz eta jatorri irandarra izan. Poliziako arduradun baten arabera, miaketan zehar terrorismoarekin zerikusirik izan ez zuten aurretik jazotako beste hainbat tiroketari buruzko informazio ugari aurkitu dute.
"Eromenezko ekintzak"
Horren harira, agintariek baieztatu egin dute informazio asko bildu zuela bereizkuntzarik gabeko beste tiroketa batzuk eragin zituzten eromenezko "beste ekintza batzuei buruz". Besteak beste, Winnenden (Alemania) herriko institutuan 2009an 15 biktima eragin zituen sarraskiari buruzko informazioa zeukan.
Horrez gain, Anders Behring Breivik norvegiarrak, justu duela 5 urte 77 pertsona erail zituenak, berarengan izan zezakeen ustezko eragina ere ikertzen dabiltza.
Norbait "eraso masiboen inguruan" hain gogotsu interesatzen denean, ziur Breivikek ere zerikusirik izan duela", aitortu du" Andraek. Izan ere, atzo bete zen Oslo eta Utoyako sarraskien bosgarren urteurrena.
Aipatutakoez gain, ikertzaileek atzemandako material informatiko "ugari" aztertu behar dute, baina orain arte ez dute Estatu Islamikoari buruzko aipamenik aurkitu. Datu gehiago eskuratzea espero dute gaztearen inguruko pertsonei egindako elkarrizketetatik, eta gaztearen mediku-iragana ere ikertzen ari dira, izan ere tratamendu psikiatrikoren bat jaso izango zukeen.
Facebookeko kontu faltsua
Sonboly Facebookeko kontu batean sartu zen pasahitza 'pirateatu' ondoren, eta ezagunei hanburgesa bat erosiko ziela agindu zien 16:00etan merkatalguneko hanburgesategian agertzen baziren. Poliziak uste du ondo ezagutzen zituela inguruak, baina ez zen tiroka hasi hitzordua heldu eta bi ordu igaro arte.
Polizia ikertzen ari den alderdi ilunenetako bat da ea nola lortu zituen Sonbolyk pistola bat eta horrenbeste munizio; izan ere, azken urteetan Alemanian asko gogortu da armak eduki ahal izateko araudia. Ikertzaileak pistolaren jatorria zehazten saiatzen ari dira, serie-zenbakia ezabatuta baitzeukan, eta, ondorioz, zalantzazkoa da bere legezkotasuna. Gainera, erabiltzaileak ez zeukan arma-baimenik, lehendabiziko datuen arabera.
Zure interesekoa izan daiteke
Israelek Libanon egindako erasoek 1.400 lagun hil dituzte dagoeneko
Gaur, larunbata, Israelgo Armadak baieztatu du Libano hegoaldean eta Beiruten hainbat eraso burutu dituela Hezbollahren milizien eta Palestinako Jihad Islamiarraren egituren aurka.
Trumpek Irani gogorarazi dio 48 orduan iraungiko dela bere ultimatuma
"Gogoratzen al duzue Irani 10 eguneko epea eman niola akordioa adosteko edo Ormuzko itsasartea irekitzeko? Bada, denbora amaitzen ari da: 48 ordu geratzen dira infernua hasteko", esan du Trumpek Truth Social plataforman argitaratutako mezu batean.
Berlingo harresi zatien salmenta negozio bihurtu da
Aste Santuan, Berlin da Europa osoan bisitari gehien jasotzen dituen hiriburuetako bat, eta hainbat hamarkadatan hiria bitan banatu zuen harresiaren zatien salmenta negozio bihurtu da. Neurri guztietako zatiak saltzen dira, baina kontuz, guztiak ez baitira benetakoak. Harresi zatiak erostearekin batera, duela 40 urte Berlin banatzen zuen Checkpoint Charlie bisitatu eta argazkiak ateratzea ere modan jarri da. Kapitalismoaren sinbolorik handiena du gaur egun ondoan.
Beiruteko nekazarien azoka sukalde solidario handi bilakatu da
Besteak beste World Central Kitchen gobernuz kanpoko erakundeen finantzaketa jasotzen dute. Tokiko nekazarien produktuekin prestatzen dituzte jakiak, premian daudenek etxean bezala jan dezaten. Beharra gero eta handiagoa da, desplazatuen kopurua etengabe hazten ari delako.
Buxehrko zentral nuklearraren eta Khuzestango eremu petrokimikoaren aurkako eraso gehiago salatu ditu Iranek
"Eraso horren hedatze uhinaren eta metrailaren ondorioz, zentral elektrikoaren alboko eraikinetako bat kaltetu da, eta, zoritxarrez, segurtasun saileko langileetako bat hil da", jakinarazi du instalazioko langile batek. Irango agintariek nabarmendu dutenez, zentrala martxan dago.
Energia enpresen etekinei zerga ezartzeko eskatu dute Alemaniak, Italiak, Espainiak, Portugalek eta Austriak
Bost herrialde horietako Finantza ministroek gutuna igorri diote Europako Batzordeari. Argudiatu dutenez, "gerraren ondorioz etekinak lortzen ari diren konpainiek euren partetik ipini behar dute herritarren gaineko zama arintzeko”.
Lurra, 'Orion' espazio ontzitik ikusita
Misioa aurrera doa, Ilargirantz, eta distantzia horretatik Lurraren irudiak hartu dituzte, astelehenean satelitera iritsi aurretik.
Ehiza hegazkinak eraisteak ez du eraginik Iranekin egiten ari diren negoziazioetan, Trumpen arabera
Hala ere, su-etena lortzeko negoziazioak "itopuntuan" daudela adierazi dute bitartekariek. Iranek saria eskaini du pilotuak harrapatzeagatik, eta Israel Libanon jartzen ari da indarra.
Leon XIV.ak gerraren eta botere gehiegikeriaren aurkako aldarria egin du bere lehen gurutze bidean
Leon XIV.a izan da Ostiral Santuan bere agintaldiaren lehen gurutze bidean buru, Erromako Eliseoan. Gerra eta botere gehiegikeriaren aurkako aldarrikapena egin du milaka eta milaka fededunen aurrean, eta argi esan du: "Agintari orok Jainkoaren aurrean erantzun beharko du jasotako boterea erabiltzeko moduagatik".
Erregaien prezioek igotzen jarraitzen badute, Europar Batasunak ez du baztertzen errazionamendua ezartzea
Dan Jørgensen Europako Energia komisarioak adierazi duenez, "eszenatoki txarrenetarako prestatzen ari gara, baina oraindik ez dugu produktu kritikoak (kerosenoa edo diesela) errazionatu beharrik".