Alemaniak terrorismoaren aurrean babestu nahi du
Alemaniako Gobernuak mehatxu terroristatik babesteko onartu nahi dituen neurriek polemika ekarriko dute. Neurrien artean daude delituak egiten dituzten errefuxiatuak eta segurtasunarentzat mehatxu diren pertsonak kanporatzea.
Azken hilabetean Alemanian izan diren hiru atentatuetatik bi afganiar batek eta siriar batek egin dituzte, eta errefuxiatu gisa sartu ziren herrialdean.
Gertaera horien ondoren Angela Merkel kantzilerra babesa galtzen ari da; duela urte bete Alemaniak herrialdera iristen ziren errefuxiatu guztiak hartu behar zirela defendatzen zuen Merkelek.
Beste proposamenetako batek zera dio: alemaniar naziotasuna kenduko diotela naziotasun bikoitza duten terroristei. Antzeko proposamen batek krisi politiko larria eragin zuen Frantzian. Justizia ministroak dimisioa eman zuen eta azkenerako Asanblada Nazionalak baztertu egin zuen Manuel Vals lehen ministroaren proposamena.
Alemanian errazagoa izan liteke aurrera egitea, honezkero badagoelako atzerriko armada batekin kolaboratzeagatik alemaniar bati pasaportea kentzea ahalbidetzen duen legea.
Polemika gehien eragin duen Alemaniako gobernuaren proposamena sekretu medikuaren altxatzea da. Mediku batek errefuxiatu batengan suizidiorako joera antzemango balu, agintariei eman beharko lieke horren berri errefuxiatua atentatu bat prestatzen ari ote den argitzeko. Hori justifikatzeko eta azaltzeko zailagoa da.
Zure interesekoa izan daiteke
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.