Kolonbiako Gobernuak eta FARCek behin betiko bake akordioa adostu dute
Lau urteko negoziazioen ostean, Kolonbiako Gobernuak eta FARCek amaitutzat eman dituzte bake negoziazioak, gaur goizaldean behin betiko akordioa adostu baitute, Habanan (Kuba) egindako ekitaldi batean iragarri dutenez.
Akordioa sinatzeko ekitaldia hurrengo asteetan egingo dute, Kolonbian, eta orduan abiatuko da gerrillak borroka armatua uzteko ezarritako 180 eguneko epea.
"Bukatu egin da gerra, eta aro berri bat hasiko da. Akordio honek atea irekitzen du kolonbiar gizartea eraldatzeko aro bat hasteko", esan du Humberto de la Calle Gobernuaren ordezkariak.
Horren esanetan, akordioa "bideragarria" da, "posible zen akordio onena", baina herritarrek urriaren 2an, galdeketa batean, berretsi beharko dutela gogoratu du.
"Batailarik ederrena irabazi dugu bakea", adierazi du Ivan Marquez FARCeko talde negoziatzailearen buruak.
Gerrillariak azaldu duenez, itun honekin "bukatu egin da armekin borrokatutako gerra, eta ideien eztabaida hasiko da". Izan ere, FARC mugimendu politiko bihurtuko da orain.
Gerrillariek sei hilabete emango dituzte bizitza zibilera salto egiteko prestatuko dituzten gune berezi batzuetan, eta, ondoren, FARCeko bozeramaileak Kongresuan izango dira 2018ra arte, "hitz egiteko aukerarekin baina botoa emateko aukerarik gabe". Urte horretan aurkeztu ahalko dira hauteskundeetara.
Poza eta emozioa
Poza eta emozioa islatu dira bi bake-ordezkaritzatako kideen aurpegietan. Kide guztiak zeuden gelan, eta Kolonbiako ereserkia abestu dute ekitaldi formal horren hasieran; amaitzeko, besarkadak eta zenbait argazki.
Ekainaren 23an aldebiko eta behin betiko su-etena deitu eta armak alde batera utziko dituztela iragarri ostean, bi aldeak itunetan adostutakoak ixten saiatu dira, landa-garapenaren gaineko akordioetan, parte-hartze politikoari buruzkoetan, bidegabeko drogen gainekoetan eta biktimak erreparatzeko neurriei buruzko akordioetan jasotakoak, hain zuzen.
Oztopo handiak izan dira, eta krisi sakonak, baina 44 hilabetean egin diren negoziazioetan errespetua nagusitu da.
2015eko irailaren 23an, Habanan, Santos presidenteak eta Rodrigo Londoño "Timochenko" FARCeko nagusiak elkarri eman zioten bostekoa mundu osoan zabaldu zen.
Inoiz ikusitako irudia zen: Kolonbiako presidentea eta gerrillarien lider bat, elkarrekin, bake-giroan eta elkarri bostekoa ematen.
Bederatzi hilabete geroago, Habanan su-etenaren berri eman zutenean, errepikatu egin zen, eta litekeena da ondorengo asteotan ere errepikatzea. Hurrengo hori, baina, Kolonbian izango da, amestutako bakea ixten dutenean.
Albiste gehiago mundua
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.
Uholdeek gutxienez 25 hildako eta dozenaka desagertu utzi dituzte Texasen
Guadalupe ibaiak gainez egin du, Texas erdigune-hegoaldean, eta 25 heriotzaz gain, ugari dira desagertutako pertsonak, neskentzako udaleko kristau batean parte hartzen ari ziren 23 adingabe tartean. Hondamendia handia da Bandera, Cope, Comal, Concho, Gillespie, Kendall, Kerr, Kimble, Llano, Mason, McCullouch, Menard, San Saba eta Tom Green eskualdeetan.
Hamasek erantzun "positiboa" eman dio AEBren Gazarako su-eten proposamenari
"Hamasen erantzuna positiboa da, eta uste dut lagungarria izan beharko litzatekeela akordio batera iristeko", adierazi du Reutersek aipatutako ofizial palestinar batek. Donald Trumpen proposamenak 60 eguneko su-etena planteatzen du, 21 hilabetean Israelek 57.200 palestinar hil ostean.
Ukrainaren aireko gaitasunak indartzeko akordioa itxi du Zelenskik Trumpekin, AEBk Patriot misilen bidalketa bertan behera utzi ostean
"Elkarrekin lan egingo dugu gure zeruaren babesa indartzeko", esan du Ukrainako presidenteak AEBkoarekin telefonoz hitz egin ostean.
45 pertsona zauritu dira, horietako bi larri, Erromako gasolindegi batean izandako leherketan
Eztanda Casilino inguruan izan da, zisterna-kamioi batetik petrolio-gas likidotua deskargatzen ari zirenean. Italiako agintariek zehaztu dutenez, zaurituak 24 zibil, hamaika polizia, sei suhiltzaile, larrialdietako hiru langile eta karabinero bat dira.
Ipar Koreak Wonsan hiriko gune turistiko erraldoia inauguratu du
Kim Jong-un liderrak Asiako herrialde hermetikoan turismoa sustatzeko hainbat urtez bultzatutako funtsezko proiektua da. Uztailaren 1ean ateak ireki zituen gune turistikoak 20.000 bisitari hartzeko gaitasuna du.
Hamasek gaur erantzungo dio Gazarako su-eten proposamenari
Erresistentzia Islamikorako Mugimendua "pozik" agertu da Gazarako azken su-eten proposamenarekin, besteak beste, negoziazioek irauten duten bitartean borrokara ez itzultzeko "bermeak" jasotzen dituelakoan.
AEBko kongresuak Trumpen zerga-plan "handi eta ederra" onartu du
Zerga-plan berriak azken urteetako zerga-murrizketarik handienetakoa egingo du AEBn. Gizarte-programetan murrizketa handiak aurreikusten ditu, eta defizit federala nabarmen handituko da hurrengo hamarkadan.
Iranek IAEAren ikuskapenak eragotziko ditu, Israelek eta AEBk bere instalazio nuklearren aurka egindako erasoen ostean
Erabakia Teheranek NBEren agentziari Israelek eta AEBek bere instalazio atomiko nagusien aurka egindako erasoak "bultzatu" izana egotzi ostean etorri da. Adituen arabera, neurria eraso israeldarrek eta estatubatuarrek utzitako ondorio garrantzitsuena da.