Trumpek 'dagokionean' erabakiko du hauteskundeen emaitza onartzen duen
Donald Trump Etxe Zurirako presidentegaiak adierazi du "bere garaian" erabakiko duela azaroaren 8an egitekoak diren AEBko hauteskundeen emaitzak onartzen ote dituen.
"Dagokionean esango dizut. Misterioa mantenduko dut", esan du Trumpek, Chris Wallace Las Vegasen egindako hirugarren eta azken eztabaidaren aurkezlearen galderei erantzunda.
New Yorkeko enpresariaren arabera, "milioika pertsona erregistratu dira bozkatzeko, eta ez lukete erregistratuta egon behar". Trumpek berriz ere esan du hauteskundeak Clintonen mesedetan manipulatu dituztela.
Alabaina, Trumpen hitzek aurrez talka egiten dute Mike Pence presidenteorde izateko hautagaiak esandakoarekin. Pencek adierazi du "herri estatubatuarraren borondatea eta hauteskundeen emaitzak onartu" egingo dituztela.
Horren ildotik, Ivanka Trump hautagaiaren alabaren esanetan, bere aitak "zuzen" jokatuko du eta ziur agertu da Clintonen garaipena aitortuko duela hauteskundeak galduz gero.
Hautagai demokratak, aldiz, adierazi du Trumpek AEBko "demokrazia ahultzen" duela esanez hauteskundeetan iruzurra egingo dela.
Trumpen iritzian, gainera, hedabideen izaerak iruzur egin du hauteskundeetan.
Clintonek, aldiz, adierazi du Konstituzioaren Bigarren Zuzenketa (armak eramateko eskubidea bermatzen du) "errespetatzen" duela, baina gehiago arautzeko eskatu du. Era berean, Donald Trumo kritikatu du, Erriflearen Elkarte Nazionala (NRA) babesteagatik.
"Ez dago arazorik, bizitzak salbatu eta Bigarren Zuzenketa defenda daitezke. Araututa egon behar da", azaldu du Clintonek.
Gainera, hautagai demokratak baieztatu duenez, Vladimir Putin Errusiako presidenteak Donald Trumpen moduko "txotxongilo" bat nahi du, horregatik ari da AEBko hauteskundeetan "esku hartu" nahian.
Albiste gehiago mundua
Coca-Colak kanabera azukrea erabiliko du AEBn merkaturatzen dituen freskagarrietan, Trumpek eskatuta
"Coca-Colan erantzukizuna duten guztiei eskerrak eman nahi dizkiet. Oso erabaki ona izango da. Ikusiko duzue. Hobe da, besterik ez!", esan du AEBko presidenteak.
Erresuma Batuak 16 urtera jaitsi du botoa emateko adina
Neurria 2029rako aurreikusita dauden hauteskunde orokorrak baino lehen sartuko da indarrean. 1969an adin hori 21 urtetik 18ra jaitsi zenetik egin den hauteskunde-erreformarik handiena da.
Itxaropenerako leihorik ez: Askatasunaren Ontzidia berriro itsasoratu da
Handala ontzia igande honetan itsasoratu da berriro Gazako Zerrendara bidean.
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.