Trump 'emakumeei nahi duena egiteaz' harro agertu da bideo batean
The Washington Post egunkariak Donald Trump Etxe Zurirako hautagai errepublikarraren elkarrizketa pribatu bat zabaldu du. Grabazioan, emakumeei nahi duena egiten saiatzen dela azaltzen du. "Oso famatua zarenean nahi duzuna egiten uzten dizutelako", dio.
2005ean Trumpek Billy Bush "Hollywood Access" saioaren aurkezlearekin autobus batean izandako elkarrizketa entzun daiteke bideoan, eta komentario matxistak eta iraingarriak egiten ditu.
Batetik, ezkondutako emakume batekin oheratzen saiatu zela kontatu du, nahiz eta helburua ez lortu: "Txakur bat balitz bezala bota nion amua, baina ez nuen lortu. Ezkonduta zegoen jada (…). Orain, berriz ikusi eta titi faltsuak dituela konturatu naiz, guztiz aldatu du itxura", esan dio.
Bestetik, Trumpek parte hartu behar zuen telebista-saioko aurkezlea autobus kanpoaldean ikusi zuenean, hari buruz hizketan hasi ziren: "Zure neska oso ederra da (…). Tic-Tac bat jango dut (mentazko gozoki bat) badaezpada ere, musu eman behar baldin badiot prest egoteko".
"Emakume politek erakarri egiten naute automatikoki. Musu ematen diet, iman baten moduan, ezin dut itxaron ere egin (…). Gainera, oso ospetsua zarenean, nahi duzuna egin dezakezu (…). Alutik heldu. Nahi duzuna egin dezakezu", esan du Trumpek grabazioan.
Trumpek barkamena eskatu du ohar labur batean, bideoa dela eta "norbait mindu baldin badu". "Duela urte asko izandako aldagelako elkarrizketa baino ez da. Bill Clintonek askoz ere gauza okerragoak esan dizkit golf-zelaian, nik hemen esandakoak baino larriagoak".
AEBko bi presidentegaien (Trump errepublikarra eta Hillary Clinton demokrata) telebistako bigarren eztabaida baino bi egun lehenago argitaratu dute informazioa. Clintonek Twitterren salatu duenez, grabazioa "ikaragarria" da, eta "ezin dugu gizon hori AEBko presidente izan dadin onartu".
n onartu".Zure interesekoa izan daiteke
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan gertatu da, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte eta Israelera bidean dira.
Putinek su-etena proposatu du Ukrainan maiatzaren 9rako, eta Trumpek babesa eman dio
Putinek eta Ukrainako lider Volodimir Zelenskik antzeko bi tregoa labur adostu zituzten 2025ean. Nolanahi ere, Zelenskik gutxienez 30 eguneko su-etena eskatzen du, baina Moskuk uko egin dio horri.
Arabiar Emirerri Batuek LPEEtik erretiratuko direla iragarri dute, Ormuzeko itsasarteko krisia dela eta
1967tik LPEEko kide izan zen Arabiar Emirerri Batuetatik irteteak desordena eragin eta taldea ahuldu dezake, petrolio ekoizleen prezio justu eta egonkorrak bermatzeko desadostasunak egon arren fronte batu bat erakutsi nahi izan baitu.
Zer da inor "biziraule izendatzea"? Etxe Zuriaren aurkako atentatu baten ondoren aktibatu ahal den protokoloa
AEBko presidentearen segurtasunari buruzko eztabaida puri-purian dagoela, zabaldu da ez zutela biziraule izendatzeko sistema ezartzea aurreikusi. Protokolo horren arabera, kabineteko kide bat isolatzen dute, atentaturen bat gertatuz gero presidente kargua har dezan.
Trumpek Jimmy Kimmel kaleratzea eskatu du, Etxe Zuriari buruz egindako parodiagatik
Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu.
AEBn indarkeria politikoa "beti" egon izan dela adierazi du Trumpek
AEBko presidenteak ez du uste indarkeria politiko gehiago dagoela, baina ohartarazi du demokraten gorroto diskurtsoa "arriskutsua" dela.
Siziliatik 50 ontzitik gora itsasoratuta, Gazara bidean da Global Sumud Flotillaren misiorik handiena
Global Sumud Flotillak orain arte koordinatutako itsas mobilizazio zibil handiena dago martxan, eta eurekin doaz Open Arms erreskate-ontzia eta Greenpeacen Arctic Sunrise ontzia ere. "Horiek gure ondoan egoteak misioaren gaitasun operatiboa indartzen du eta erakusten du Israelen legez kanpoko blokeoari aurre egiteko eta sarbide humanitario segurua bermatzeko ahaleginen inguruko adostasun globala gero eta handiagoa dela", azpimarratu du Global Sumud Flotillak.
AEBrekin negoziatzen jarraitzeko "baldintza espezifikoak" ezarri dituztela adierazi du Iranek
Irango hedabideen arabera, Ormuzko itsasartea zabaltzeko eta programa nuklearrari buruzko negoziazioak atzeratzeko proposatu du Iranek. Ameriketako Estatu Batuetako Armada Irango portuak blokeatzen hasi zenetik 38 itsasontziri Ormuzko itsasartetik igarotzea galarazi die.
Washingtongo erasoaren ustezko egileak Trumpen Gobernuaren kontrako idatzi bat utzi zuen
1.052 hitz dituen manifestu horretan, AEBko presidentearen Administrazioko goi kargudunak lehenesten ditu helburuen artean, FBIko zuzendari Kash Patel salbu.
Trumpek esan du kristautasunaren kontrako arrazoiek bultzatuta jardun zuela tiroketaren ustezko egileak
Trumpek susmagarria "antikristaua" dela nabarmendu duen arren, AEBko fiskal nagusia zuhurrago agertu da; adierazi du gailu elektronikoen analisiak Administrazioaren aurkako erasoa izan dela egiaztatu duela, baina esan du ikerketak 24 ordu baino ez dituela bete eta arrazoi ofizialak analisipean jarraitzen dutela.