Trumpek abusuak egin zizkiela salatu dute lau emakumek
Azken orduetan, lau emakumek salatu dute Donald Trump hautagai errepublikanoak egindako sexu-gehiegikerien biktima izan direla.
Salatzaileak enpresari bat, Trumpen lankide bat, kazetari bat eta harekin kontzertu batean bat egin zuen emakume bat dira.
Emakume enpresariak hegazkin batean egin zuen topo AEBko presidentegaiarekin. Abioia aireratu eta minutu batzuetara, Trumpek ukituak egin zizkion.
Bigarren emakumeak Trump dorrean egiten zuen lan. Hautagai errepublikanoarekin egon zen egun batean, emakumeak bere burua aurkeztu eta eskua luzatu zion, eta Trumpek musu bat eman zion masailean, eta, ondoren, beste bat, ahoan.
Mindy McGillivray da hirugarren salatzailea. Horren esanetan, Trumpek "ukitu desegokiak" egin zizkion.
Palm Beachen (Florida) bizi da, eta, hain zuzen, han egingo du Trumpek ekitaldi politikoa bihar, osteguna, bertan 09:00ak direnean.
Aurreko bi emakumeekin gertatu bezala, Trumpek bigarren eztabaidan esandakoa entzun eta gero erabaki du McGrillivrayk ere salaketa jartzea, abusuak jasan zituenetik hamar urte inguru igaro badira ere. Presidentegai errepublikanoak barkamena eskatu zuen emakumeak musukatu eta ukitzeagatik, "izar bat" delako, eta duela urte batzuk egin zituen eta azken egunotan aireratu diren emakumeen kontrako hitz iraingarrien inguruan, garrantzia gabeko hitzak zirela esan du.
McGrillivrayk salatu zuen gertaera orain 13 urte gertatu zen, Ray Charlesen kontzertu batean. Trumpekin eta Melaniarekin bat egin zuen, oraindik senar-emazte ez ziren garaian, eta haien ondotik pasatu zenean, kolpea sentitu zuen ipurdian.
Gehiegikeria salatu duen azken emakumea Natasha Stoynoff da, People aldizkariko kazetaria. Stoynoffen arabera, Trumpek abusuak egin zizkion 2005ean, elkarrizketa batean.
Trumpen hotel batean gertatu zen, Mar-a-Lago hotelean. Syoynoffen esanetan, "bakarrik sartu ginen gelan, eta Trumpek atea itxi zuen (…); buelta eman nuen, eta, segundo gutxitan, hormaren kontra bultzatu ninduen eta eztarriraino sartu zidan mihia". Kazetariaren hitzetan, Trump "lodi" zegoen, eta ezin izan zuen ezer egin hura geldiarazteko.
Trumpen arabera, 'fikzioa' da
Lehen bi emakumeen testigantzak The New York Times egunkarian argitaratu ondoren, Trumpen kanpainako ordezkariek esan dute "fikzioa" dela salatutakoa.
"Artikulu osoa da fikzioa", esan du Jason Miller Trumpen kanpainako komunikazio aholkulariak. "Gai honekin lotutako gezur koordinatua zabaltzea arriskutsua da The New York Times egunkariarentzat", erantsi du hautagai errepublikanoaren webean zabaldutako komunikatu batean.
Zure interesekoa izan daiteke
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan gertatu da, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte eta Israelera bidean dira.
Putinek su-etena proposatu du Ukrainan maiatzaren 9rako, eta Trumpek babesa eman dio
Putinek eta Ukrainako lider Volodimir Zelenskik antzeko bi tregoa labur adostu zituzten 2025ean. Nolanahi ere, Zelenskik gutxienez 30 eguneko su-etena eskatzen du, baina Moskuk uko egin dio horri.
Arabiar Emirerri Batuek LPEEtik erretiratuko direla iragarri dute, Ormuzeko itsasarteko krisia dela eta
1967tik LPEEko kide izan zen Arabiar Emirerri Batuetatik irteteak desordena eragin eta taldea ahuldu dezake, petrolio ekoizleen prezio justu eta egonkorrak bermatzeko desadostasunak egon arren fronte batu bat erakutsi nahi izan baitu.
Zer da inor "biziraule izendatzea"? Etxe Zuriaren aurkako atentatu baten ondoren aktibatu ahal den protokoloa
AEBko presidentearen segurtasunari buruzko eztabaida puri-purian dagoela, zabaldu da ez zutela biziraule izendatzeko sistema ezartzea aurreikusi. Protokolo horren arabera, kabineteko kide bat isolatzen dute, atentaturen bat gertatuz gero presidente kargua har dezan.
Trumpek Jimmy Kimmel kaleratzea eskatu du, Etxe Zuriari buruz egindako parodiagatik
Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu.
AEBn indarkeria politikoa "beti" egon izan dela adierazi du Trumpek
AEBko presidenteak ez du uste indarkeria politiko gehiago dagoela, baina ohartarazi du demokraten gorroto diskurtsoa "arriskutsua" dela.
Siziliatik 50 ontzitik gora itsasoratuta, Gazara bidean da Global Sumud Flotillaren misiorik handiena
Global Sumud Flotillak orain arte koordinatutako itsas mobilizazio zibil handiena dago martxan, eta eurekin doaz Open Arms erreskate-ontzia eta Greenpeacen Arctic Sunrise ontzia ere. "Horiek gure ondoan egoteak misioaren gaitasun operatiboa indartzen du eta erakusten du Israelen legez kanpoko blokeoari aurre egiteko eta sarbide humanitario segurua bermatzeko ahaleginen inguruko adostasun globala gero eta handiagoa dela", azpimarratu du Global Sumud Flotillak.
AEBrekin negoziatzen jarraitzeko "baldintza espezifikoak" ezarri dituztela adierazi du Iranek
Irango hedabideen arabera, Ormuzko itsasartea zabaltzeko eta programa nuklearrari buruzko negoziazioak atzeratzeko proposatu du Iranek. Ameriketako Estatu Batuetako Armada Irango portuak blokeatzen hasi zenetik 38 itsasontziri Ormuzko itsasartetik igarotzea galarazi die.
Washingtongo erasoaren ustezko egileak Trumpen Gobernuaren kontrako idatzi bat utzi zuen
1.052 hitz dituen manifestu horretan, AEBko presidentearen Administrazioko goi kargudunak lehenesten ditu helburuen artean, FBIko zuzendari Kash Patel salbu.
Trumpek esan du kristautasunaren kontrako arrazoiek bultzatuta jardun zuela tiroketaren ustezko egileak
Trumpek susmagarria "antikristaua" dela nabarmendu duen arren, AEBko fiskal nagusia zuhurrago agertu da; adierazi du gailu elektronikoen analisiak Administrazioaren aurkako erasoa izan dela egiaztatu duela, baina esan du ikerketak 24 ordu baino ez dituela bete eta arrazoi ofizialak analisipean jarraitzen dutela.