Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
François Bayrou Frantziako lehen ministroak Estatuaren aurrekontuak doitzeko lau urterako plan bat iragarri du astearte honetan, gastua murriztu eta diru-sarrerak handitzeko helburuarekin.
Horretarako, hainbat neurri azpimarragarri eman ditu aditzera, tartean, pentsioak izoztea, enplegu publikoa gutxitzea edo gizarte- eta osasun- arloetako gastuak murriztea.
Plana iragartzeko hitzaldi berezia egin du Frantziako lehen ministroak Gobernuaren eta Parlamentuko buruzagitzaren aurrean.
Diru-sarrerei dagokienez, diru-sarrera handienak dituzten pertsonentzako "elkartasun-ekarpena" martxan jarriko duela iragarri du. Horrez gainera, iruzur fiskalaren aurkako borroka indartuko duela jakinarazi du eta gaineratu du ahalegin berezia egingo dutela iruzur horien bidez galdutako diru-kopurua berreskuratzeko.
Beste neurri deigarri bat bi jaiegun kentzea da. Gaur egun Frantzian 11 jaiegun dituzte eta kentzeko aukerak dituztenen artean, Pazko astelehena eta maiatzaren 8a daudela aipatu du. "Gure ekoizpen nazionala handitu behar dugu. Ez dugu behar adina ekoizten", arrazoitu du.
Lehen ministroak azpimarratu du zor publikoaren igoera bizkorrari aurre egin behar zaiola. Izan ere, egungo erritmoa jarraituta, 2029an 100.000 milioi eurora iritsiko litzateke zorraren ordainketa, eta aurrekontuetako zatirik potoloena izango litzateke.
Frantziako zor publikoak 3,3458 bilioi eurotan itxi zuen aurtengo lehen seihilekoa, hau da, Estatuko BPGaren % 114.
Bayrouk ziurtatu du zor hori segundoko 5.000 euroko erritmoan handitzen dela; alegia, 150.000 milioi euro gehiago dira urtero. Egoera hori "jasanezina" da Bayrouren aburuz.
Zure interesekoa izan daiteke
Von der Leyenek eta Ruttek "presio handiagoa" egingo diote Moskuri Leipzigeko erasoaren ostean
Europako Batzordearen presidenteak uste du horrelako gertakariak "normaltasun berria" direla, eta europarrek "aurrerapausoa ematea" eskatzen dutela.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Bruselaren arabera, ez dago frogarik Ceutako krisia atzerriko aktore estatalen desinformazioak eragin zuela ziurtatzeko
Hala ere, Errusiak sare sozialetan krisia dela eta probetxua ateratzeko saiakerak egin dituela atzeman duela baieztatu du erakundeak.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.
Mila lagun baino gehiago hil dira Nepalen uholdeen ondorioz, eta 3.900 pertsona desagertu dira
21.000 agente baino gehiago ari dira bilaketa eta erreskate lanetan, eta 11.814 pertsona erreskatatzea lortu dute, 253 atzerritar barne.
Sheinek estreinako makala egin du Hong Kongeko burtsan, eta % 4ko galerekin dabil
Txinako ehungintza erraldoiak zulo handiekin hasi du burtsako ibilbidea, eta % 10eko galerak ere izan ditu uneren batean. Bien bitartean, gaur, asteartea, abiatuko du Frantziak negozio eredu horren aurkako eraso fiskala, produktu bakoitzaren gaineko 12 eurorainoko kargak martxan jarriz.
Epaimahai batek errudun jo du Duane "Keffe D" Davis, Tupac Shakur raperoaren hilketagatik
Duane "Keffe D" Davis errudun jo du epaimahai batek, lehen graduko hilketa leporatuta, Las Vegasen (Nevada), 1996an Tupac Shakur rap abeslari ikonikoa hil zuen tiroketa antolatzeagatik.
AEBk eta Iranek erasoei ekin diete berriro Ekialde Hurbilean
Armada estatubatuarrak bi plataforma bonbardatu ditu goizaldean eta bi pertsona hil ditu. Iranek Jordaniako eta Arabiar Emirerri Batuetako base militarrei eraso eginez erantzun du.
900 pertsona baino gehiago hil dira eta 4.200 daude desagertuta, Nepalgo uholdeen ondotik
39 herrialdetatik Nepalera joandako 590 lagun falta dira. Bestalde, Rasuwagadhi proiektu hidroelektrikoko tunel bateko bilaketa lanak amaitu dituzte. Uste zuten dozenaka langile zeudela bertan harrapatuta, baina ez dute inor aurkitu.
Tentsioak gora egin du Ekialde Hurbilean, Iranek eta AEBk elkarri eraso egin baitiote
AEBk Larek uhartea bonbardatu izanari erantzuteko, Washingtonek Jordanian eta Arabiar Emirerri Batuetan dituen instalazio militarren aurka jo du Teheranek. Gainera, "super petrolio-ontzi" batek su hartu du Ormuzen, bi mina lehertuta.