Frantziak NBEko Segurtasun Kontseiluaren premiazko bilera eskatu du, Israelek Libanon egindako operazioengatik
Apirilaren erdialdean, Israelek 'lerro hori' bat ezarri zuen (Gazan aplikatzen duena bezalakoa), bi herrialdeen arteko mugatik hamar bat kilometrora doana, eta bien arteko perimetroa Israelgo tropek inbaditu zuten. Azken egunotan, indar armatuak lerro horretatik aurrera egiten ari dira.
Jean-Noel Barrot Frantziako Atzerri ministroak igande honetan iragarri duenez, Nazio Batuen Segurtasun Kontseiluaren premiazko bilera eskatu du, Israel Libanon egiten ari den operazio militarrengatik.
BFMTV telebista kateari eskainitako elkarrizketa batean, Barrotek adierazi du "ezerk ezin duela justifikatu Israelgo operazio militarrak Libanon luzatzea, ezta Libanoko lurraldea gero eta gehiago okupatzea ere".ç
Israelen eta Hizbulá mugimendu xiitaren arteko erasoak egunerokoak dira, nahiz eta teorian, apirilaren 17tik su-etena indarrean egon.
Bestalde, Benjamin Netanyahu Israelgo lehen ministroak ostiralean iragarri zuen Israelgo Armadak Litani ibaia zeharkatu zutela, bi herrialdeen arteko mugatik 30 kilometro iparraldera, eta aurrera jarraitzeko agindu zien. Operazioaren helburua Hizbulá garaitzea omen da.
"Israelen operazioen luzapen hau, aurrerabide hau, Israelek su-eten akordioan hartutako konpromisoen, nazioarteko zuzenbidearen (...) eta Israelen interesen eta segurtasunaren aurkakoa da", esan du gaur Frantziako diplomaziaren buruak. Eta ohartarazi duenez, "bonbardatutako herri bakoitzak, okupatutako herri bakoitzak, hildako zibil bakoitzak Hizbulá indartzen du epe luzera".
Apirilaren erdialdean, Israelek 'lerro hori' bat ezarri zuen (Gazan aplikatzen duena bezalakoa), bi herrialdeen arteko mugatik hamar bat kilometrora, eta bien arteko perimetroa Israelgo tropek hartu zuten. Azken egunotan, indar armatuek lerro horretatik haratago lurrak inbaditzeari ekin diote.
Operazioen zabalkundeak nazioarteko kritikak eragin ditu eta gatazkaren gaineko presio diplomatikoa areagotzea ekarri du, baina oraingoz ez du emaitzarik eman.
Zure interesekoa izan daiteke
50 lagun hil eta 70 zauritu dira Myanmarko lehergaien biltegi batean izandako eztandan
Leherketak inguruko hainbat etxebizitza-eraikinetan izan du eragina, eta larrialdi zerbitzuek bizirik atera daitezkeenen bila jarraitzen dute hondakinen azpian, Birmaniako hedabideek jakitera eman dutenez.
Israelek Beauforteko gaztelua bereganatu du eta Libano hegoaldeko erasoak areagotu ditu
Israelgo lehen ministro Benjamin Netanyahuk adierazi duenez, Beauforteko gaztelua okupatzea "mugarri erabakigarria" da, baita Israelek Libanoren aurrean duen "politikaren erabateko aldaketa" ere.
Pertsona bat hil da eta 780 baino gehiago atxilotu dituzte Frantzian, PSGk Txapeldunen Liga irabazi ostean izandako istiluetan
Sute, ekintza bandaliko eta Poliziarekin liskar ugari izan dira gauean Frantziako hainbat tokitan, eta gutxienez zazpi agente zauritu dira. Parisen egin dituzte atxiloketa gehienak.
Petroren eredu sozialarekin jarraitu edo eskuinera bira egitea aukeratuko du Kolonbiak gaur
Hautagaien artean, Ivan Cepeda egungo presidentearen jarraitzailea dago, baita eskuineko politikak proposatzen dituzten Abelardo de la Espriella eta Paloma Valencia ere.
Iranek bake akordiorako adostasunak onartu ditu, eta AEBri egotzi dio beti atzera botatzea
Reza Zabib Iranek Espainiako Estatuan duen enbaxadoreak negoziazioak nahasten aritzea egotzi dio Donald Trump AEBko presidenteari. Era berean, Israelek bakea oztopatzeko ahaleginetan jarduten duela salatu du, eta Ormuzko itsasartearen kontrola Irani aitortu behar zaiola.
Akordiorik gabe amaitu da Trumpek Iranekin Etxe Zurian egin duen bilera
AEBko presidenteak esan du Irango Islamiar Errepublikak uko egin behar diola arma nuklearrak garatzeari, eta berehala ireki behar duela Ormuzko itsasartea.
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin konpainiaren kohete batek eztanda egin du Floridan, jaurti aurretik egindako proba batean
New Glenn kohetearen motorrak pizteko proba batean gertatu da leherketa, jaurtiketa egin aurretik egin ohi duten probetako batean.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, "Kode beltza" izenekoak, esklabuak ondasun higiezinen pare jarri zituen. Esklabutza 1848an abolitu zuten, baina "Kode beltza" ez dute gaur arte indargabetu. Frantziako sistema kolonialak 1,5-2 milioi pertsona egin zituen esklabu, adituek egindako kalkuluen arabera.