Petroren eredu sozialarekin jarraitu edo eskuinera bira egitea aukeratuko du Kolonbiak gaur
Hautagaien artean, Ivan Cepeda egungo presidentearen jarraitzailea dago, baita eskuineko politikak proposatzen dituzten Abelardo de la Espriella eta Paloma Valencia ere.
Cepeda Bogotan botua ematen. Argazkia: EFE
Kolonbiarrek hauteskunde hitzordua dute gaur Gustavo Petro presidentearen ondorengoa aukeratzeko. Ivan Cepeda Petroren politiken jarraitzailea, Abelardo de la Espriella edo Paloma Valencia aukeratu beharko dute, azken biak eskuinerantz jotzearen aldekoak.
41,1 milioi kolonbiar daude hautesle-erroldan erregistratuta, atzerrian bizi direnak tartean, eta horiek botoa emateko aukera izan dute jada aste honetan. Oraingoan, hautesleek presidentea eta presidenteordea bakarrik aukeratuko dituzte, hauteskunde legegileak martxoan egin baitzituzten.
Bigarren itzulia saihesteko, irabazleak botoen % 50etik gora jaso beharko ditu. Inkesta batzuen arabera, Cepeda da hori lortzeko moduan den hautagai bakarra. Kanpaina osoan zehar, galdeketen buru izan da, eta, besterik ez bada ere, ekainaren 21eko bigarren itzulira igarotzea segurutzat jotzen dute.
Gustavo Petro presidentearen agenda aurrerakoia jarraituko duela agindu du Cepedak. Hala, pentsioetan eta osasunean Estatuaren presentzia indartu nahi du, besteak beste. Era berean, gizarte liderrak hiltzeari uzten dioten talde armatuekin bake-negoziazioak berrabiaraziko dituela agindu du.
Galdeketa baikorrenek botoen % 44 ematen dizkiote Cepedari; zuhurrenek, berriz, 10 puntu gutxiago. Itun Historikoko hautagaiak, hala ere, balizko bigarren itzulian galtzaile izateko arriskua du, indar kontserbadoreen bat egitea aurreikus daitekeelako.
Inkesten arabera, Cepedaren agintea zalantzan jartzeko aukera gehien dituena Abelardo de la Espriella enpresari ultraeskuindarra da, bere burua outsider gisa aurkeztu duena.
Hirugarrena Paloma Valencia senataria da, Guillermo Leon Valencia presidente ohia bezala, politikari kontserbadoreen dinastia bateko kidea. Zentro Demokratikoko hautagaia Uribe presidente ohiak aukeratu zuen.
Zure interesekoa izan daiteke
Fujimori eskuindarra eta Sanchez ezkertiarra, Peruko Presidentetza lortzeko lehian
27,3 milioi perutar baino gehiago daude hautestontzietara deituta. Mende laurdena gobernutik urrun egon ondoren, fujimorismoa boterera itzuliko den ala ez erabakiko dute biharkoan.
Errusiak hamabi pertsona hil ditu Donetsken eta Jersonen, eta 272 drone jaurti ditu Ukrainaren aurka
Azpiegitura energetikoei ere egin die eraso, eta ondorioz, etenak izan dira hornidura elektrikoan.
Raul Castro jendaurrean agertu da berriro
Raul Castro Kubako presidente ohia jendaurrean agertu da berriro, 95 urte bete dituela-eta egin dioten omenaldian. AEBk maiatzaren 20an inputatu zuenetik egin duen lehen agerraldia izan da. 1996an nazioarteko uretan bi hegazkin zibil eraisteagatik inputatu dute.
Putinek ez du Zelenskirekin biltzeko proposamena onartu, eta aurrera egiteko agindu dio armadari
Gutun batean, Zelenskik beste herrialde batean biltzeko proposatu dio Errusiako presidenteari, hala nola Suitzan, Turkian edo herrialde arabiar batean. Gainera, gerra amaitzen ez bada, errusiarrek botere-aldaketa behartu dezaketela ohartarazi du.
NASAk bertan behera utzi du Nazioarteko Espazio Estazioa husteko alerta, astronautak bi orduz alde egiteko prest egon ostean
Errusiako tripulazioa, beste behin ere, 6 urte aktibo daramatzan aire-ihesa konpontzen saiatu da, astronauta estatubatuarrak ontzi batean babesten ari ziren bitartean, balizko ebakuazio baterako prest.
Ukrainan su-etena ezartzearen aurka egin du Putinek: "Bakea negoziatzeko ez dira zertan eraso militarrak eten behar"
Volodimir Zelenski Ukrainako presidenteak gutun irekia igorri dio gaur Putini, proposamen zehatz batekin. Bi mandatariak aurrez aurre elkartzea nahi du buruzagi ukrainarrak, gerrari amaiera emango dion bake-akordioa adosteko.
NBEko giza eskubideen buruak migrazio politika berria "berriz aztertzeko" eskatu dio EBri
Volker Türk goi-komisarioak adierazi duenez, arau berriek nazioarteko legeak eta EBkoak errespetatu behar dituzte, "migrazioaren kudeaketa justu, iraunkor eta giza eskubideekin duten konpromisoa islatuz".
Ukrainak 350 drone baino gehiago jaurti ditu Errusiara; tartean, Mosku eta San Petersburgora
Bezperan, Errusiako Armadak Ukrainako hainbat hiriren kontra egindako erasoetan gutxienez 21 pertsona hil eta ehun lagun baino gehiago zauritu ziren.
Trumpek agindu exekutibo bat sinatu du paperik gabeko migratzaileei finantza-sistemarako sarbidea mugatzeko
Presidente errepublikanoaren arabera, banku-sistema nazionaletarako sarbidea "herrialdean egoteko eskubide legala dutenek soilik izan behar dute", eta "legezko merkataritzan aritzen direnek".
Errusiak Ukrainaren aurkako eraso “masiboa” egin du, eta gutxienez hogei bat hildako eta ehun zauritu baino gehiago utzi ditu
"Kieveko erregimenaren eraso terroristei emandako erantzun" gisa deskribatu du bonbardaketa Moskuk.