Lau pertsona atxilotu eta 10.000 botox-dosi atzeman dituzte Bizkaian, legez kanpoko klinika estetikoen aurkako operazio batean
Miaketak egin dituzte Bilbon, Basaurin, Galdakaon eta Barakaldon. Ikerketa Forondan hasi zen, baimendu gabeko osasun-produktuak eta sendagaiak atzeman zituztenean, eta polizia-operazioa Bartzelona, Asturias eta Las Palmas aldera ere zabaldu da.
Lau pertsona atxilotu dituzte Bizkaian, eta bi ikertzen ari dira, Guardia Zibilak medikuntza estetikoko produktuak legez kanpo banatzen eta erabiltzen zituen sare baten aurka egindako polizia-operazio batean. Guztira, bederatzi pertsona atxilotu dituzte Espainiako Estatuan, eta toxina botulinikoaren (botoxa) 10.000 dosi eta azido hialuronikoaren 200 dosi baino gehiago konfiskatu dituzte, baimendutako osasun-saretik kanpo.
Forondako aireportuan, Gasteizen, abiatu zuten ikerketa, Hego Koreatik eta Vietnamdik zetozen hainbat pakete susmagarri aurkitu ondoren. Sendagaiak eta osasun-produktuak zeramatzaten, baimenik gabe. Botox-dosiak, azido hialuronikoa eta diabetesa tratatzeko botikak zeuden horien artean, eta, ikertzaileen arabera, modu irregularrean merkaturatzen zituzten gaizkileek. Antza, pisua galtzen laguntzeko saltzen zuten azken hori.
2025eko martxoa eta 2026ko maiatza bitartean egindako ikerketari esker, horiek Espainian sartzen zituen talde bat atxilotu dute. Gaizkile horiek ez zituzten osasun-eskakizunak eta kontserbazio-baldintzak betetzen, produktu horien segurtasuna eta eraginkortasuna bermatzeko beharrezkoa den hotz-katea, besteak beste.
Miaketak egin dituzte Bilbon, Basaurin, Galdakaon eta Barakaldon, eta polizia-operazioa Bartzelona, Asturias eta Las Palmas aldera ere zabaldu da.
Osasun-prestakuntzarik gabeko pertsonak eta ile-apaindegietan, baimendu gabeko estetika-zentroetan eta etxebizitza partikularretan legez kanpoko produktuak erabiliz tratamendu estetikoak egiten omen zituzten profesionalak daude inplikatuen artean.
Erabiltzeko prest zeuden 10.000 botox-dosi eta azido hialuronikoko 200 dositik gora atzemateaz gain, 115.000 euro baino gehiago konfiskatu dizkiete, legez kanpoko tratemendu horien bidez lortutako etekinetatik eratorritakoak, antza.
Osasun publikoaren aurkako delituak egotzi dizkiete atxilotu eta ikertuei, eta baita intrusismo profesionala ere horietako batzuei.
Osasun-agintariek ohartarazi dutenez, arriskutsua da kualifikaziorik gabeko langileek edo legezko osasun-sareetatik kanpo erositako produktuekin tratamendu estetikoak egitea. Izan ere, osasun-bermerik gabe toxina botulinikoa erabiltzeak infekzio larriak, erreakzio alergiko larriak, aurpegiko paralisia eta ondorio iraunkorrak eragin ditzake.
Zure interesekoa izan daiteke
Haurdunaldian ematen den genero indarkeria kasuak osasun-kontsultei esker identifikatu daitezke
Haurdunaldian emakumeek harreman estua izaten dute osasun-sistemarekin: emaginarekin, ginekologoarekin eta erizainarekin dituzte kontsultak. Hilabete horiek giltza izan litezke genero-indarkeria egoerak identifikatzeko. Osasun eta gizarte-arloen aldetik erantzun koordinatua emateko beharra aldarrikatu dute adituek Donostian, “Indarkeria eta amatasuna” izeneko udako ikastaroan.
Einar Galilea euskal futbolariaren aurkako pintadak agertu dira Malagan, Argentinako kamisetarekin bere irudia zabaldu ostean
Irainez betetako pintadak Rosaledatik gertu agertu dira, Espainia eta Argentinaren arteko Munduko Txapelketako finalaren ostean. Malagako jokalariaren argazkia sare sozialetan zabaldu da, baina ez dago argi noiz ateratakoa den.
Agur terrazetan eta hondartzetan erretzeari: honelakoa da tabakoaren aurkako lege berria, bapeagailua eta zigarroa parekatzen dituena
Espainiako Gobernuak onartutako lege berriak debekatu egingo du terrazetan eta hondartzetan erretzea eta bapeatzea. Izan ere, zigarreta elektronikoa eta tabako tradizionala parekatu eta 600 eurorainoko isunak aurreikusten ditu.
Bi begirale atxilotu dituzte Biarritzen, hiru eta lau urteko haurrak bortxatzea eta sexu-erasoak egitea leporatuta
Baionako Fiskaltzak jakinarazi duenez, orain arte jasotako testigantzen arabera, 12 sexu-eraso kasuren eta bortxaketa baten zantzuak aurkitu dituzte, eta ez dute baztertzen gehiago izatea.
Alga asiarra: gure kostaldeko itsas hondoa hartzen ari den alfonbra berdea
Alga hori gure hondartzetan zabaltzea ageriko zatia baino ez da. Izan ere, alga asiarra gure itsas hondoan alfonbra berdeak osatzen ari da. Haren hedapenak biodibertsitatea mehatxatzen du, eta hura kontrolatzeko erronka berriak sortu ditu.
Espainiako Gobernuak behin betiko onartu du terrazetan eta hondartzetan erretzea debekatzen duen tabakoaren aurkako legea
Araudi berriak zigarro elektronikoak eta bapeagailuak ohiko tabakoarekin parekatu ditu, kerik gabeko guneak zabalduko ditu eta produktu berrien salmenta establezimendu espezializatuetara mugatuko du.
Euskal Encounterrek 5.000 parte-hartzaile inguru eta 4.000 ordenagailutik gora bilduko ditu BECen
Makrohitzordu teknologikoa uztailaren 23tik 26ra egingo da eta arreta berezia eskainiko zaio adimen artifizialari eta ordenagailu kuantikoari.
Bi emakume hil dituzte azken 24 orduetan beren bikotekide edo bikotekide ohi gizonezkoek Malagan eta Toledon
Emakumezkoek 30 eta 45 urte bitartean zituzten, eta euren bikotekideek eraso eginda hil dira. Gizon bat atxilotu dute, eta besteak bere buruaz beste egin omen du. Guardia Zibila beste kasu bat ikertzen ari da Malagan. Beste emakume bat hilik aurkitu zuten astelehen gauean Almoradin (Alacant), baina autopsiaren arabera, arrazoi naturalengatik hil zen.
Lekeitioko uharteko moilan erreskatatua izateak 1.500 eurorainoko faktura ekar dezake
2025eko lege-dekretu batek jasotzen duenez, erreskate-operatiboaren kostua erreskatatutakoaren gain utzi ahal izango da, baldin eta erreskatea arriskutsutzat seinaleztatutako gune batean egiten bada; duela aste batzuetatik, Lekeitioko uharterako moilak baldintza hori betetzen du.
Amaitu dira goizeko ilarak A-8an, Muskiz parean
Istripuak errei bat ixtea eragin du Santanderrerako noranzkoan eta une batean 5 kilometrokoak izan dira auto-ilarak, eguerdiko 12:00ak aldera errepidea berriro zabaldu duten arte.