Istripuaren biktima: 'Segurtasun protokoloa bete nuelako nago bizirik'
Kolonbiako hegazkin istriputik bizirik atera ziren sei pertsonetako bik lehen adierazpenak egin dituzte dagoeneko. Horietako batek esan du bizirik dagoela segurtasun protokoloa bete egin zuelako. Ezbeharrean 71 lagun hil eta sei zauritu ziren, Chapecoense Brasilgo futbol taldeko kideak gehienak.
"Argiak itzali egin ziren eta ez dut besterik gogoratzen", adierazi dio Ximena Suarez Boliviako Lamia enpresako hegazkin laguntzaileak Victoria Eugenia Ramirez Antioquiako Gobernu idazkariari, hegazkinak lurra jo zuen tokian, La Union udalerriko El Gordo mendixkan, erreskatatu eta gero.
Bestalde, Erwin Tumiri Boliviako abiazio-teknikariak esan duenez, "segurtasun protokoloak bete nituelako nago bizirik. Egoeraren aurrean, asko eserlekuetatik altxatu ziren, eta oihuka hasi ziren. Maletak hankartean ipini nituen fetu-jarrera hartzeko, istripuen kasuetarako aholkatzen duten bezala".
Suarez eta Tumiri ez ezik, Alan Ruschel, Jackson Follman eta Helio Neto kazetariak eta Rafael Valmorbida Henzel kazetaria ere atera ziren bizirik istriputik, eta Medellin inguruko ospitaleetara eraman zituzten.
Hil osteko omenaldia Medellinen
Federico Gutierrez Zuluaga Medellingo alkateak omenaldia deitu du asteazken honetarako, Atanasio Girardot estadioan, biktimen alde.
"Atanasio Girardot estadiora joateko deia egiten diegu herritarrei, asteazkenean, azaroak 30, 06:45ean tragedia horretan hildakoak gogoratzeko. Sarrera doakoa izango da", esan du agintariak Twitter bidez.
Omenaldia deitu duten orduan, hain justu, lehiatzekoak ziren Chapecoense eta Atletico Nacional taldeak, estadio berean, Hego Amerikako Kopako finala dela eta.
"Elkartasuna agertzeko, kandela bat eskuan hartuta eta zuriz jantzita" joateko eskatu die Medellingo Alkatetzak Twitter bidez bertara joateko asmoa dutenei.
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.