Beste migrazio beto bat ezartzeko aukera aztertzen ari da Trump
Donald Trump AEBko presidenteak adierazi duenez, auzitegiek errefuxiatuei eta zazpi herrialde musulmanetako herritarren gaineko beto migratzaileari ezarritako blokeoari aurre egiteko hainbat aukera aztertzen ari da. Besteak beste, "guztiz berria izango den agindu baten inguruan" hausnartzen ari da.
Presidentearen hegazkinean Trumpek kazetariei iragarri dienez, datorren astera arte itxarongo dute Apelazioen Auzitegiak hartutako erabakiari ekintzaren batekin erantzun ala ez adosteko. Izan ere, joan den ostegunean, dekretua blokeatzeko epaia berretsi zuen.
"Borroka hori irabaziko dugu. Sistemaren funtzionamenduaren ondorioz, ez da epe laburrean izango, baina lortuko dugu. Beste aukera batzuk ere baditugu: dekretu berri bat ezartzea, adibidez", baieztatu du Trumpek.
Horrez gain, Etxe Zuriak ez du zehaztu dekretuaren blokeoa Auzitegi Gorenera eramango duten ala ez, presidentearen etxeko iturrien esanetan.
Beto migratzaile polemikoa
Orain dela bi aste, Trumpek agindu exekutibo polemikoa sinatu zuen, terrorismo jihadistaren aurka borrokatzeko tresna gisa. Orain, epaile federal batek blokeatu egin du.
Dekretu horrekin, AEBk errefuxiatuak hartzeko duen programa bertan behera utzi zuen 120 egunez (Siriako errefuxiatuen kasuan). Horrez gain, gehiengo musulmana eta aurrekari terroristak dituzten zazpi herrialdetako hiritarrei bisak ematea debekatu zuen 90 egunetan zehar: Libia, Sudan, Somalia, Siria, Irak, Iran eta Yemen.
Etxe Zuriak Gorenean helegitea jarriz gero, auzitegi horretan berdinketa egon daiteke. Izan ere, lau epaile progresista dira eta beste lau kontserbadore. Hala balitz, betoari ezarritako blokeoa manten liteke.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.