Trumpen migrazio debekua blokeatuta mantendu du AEBko Justiziak
AEBko Apelazio Gorteak Donald Trumpen Gobernuak migrazioaren inguruan egindako debekua dela eta aurkeztutako helegitea errefusatu du, hori dela eta, blokeatuta jarraituko du.
Ebazpenak dioenez, Efek jakin ahal duenaren arabera, Auzitegiak Administrazio estatubatuarrak egindako helegitea errefusatu du, hortaz, litekeena da auzia Auzitegi Gorenean erabakitzea.
Trumpen erantzuna arina izan da, eta dagoeneko ohartarazi du auzitegietan debekua defendatzen jarraituko duela.
"AUZITEGIETAN IKUSIKO DUGU ELKAR, GURE HERRIALDEAREN SEGURTASUNA JOKOAN DAGO!", esan du Trumpek Twitterren argitaratu duenez.
Auzitegiko hiru epaileek aho batez baieztatu dute James Robart epaile federalak aurreko ostiralean emandako epaia, hau da, Trumpen debekua bertan behera utzi behar zutela Washingtonek eta Minesotak aurkeztutako salaketaren ostean, indarrean jarraitzeak eragingo lukeen "berehalako kalatea" argudiatuta.
Halaber, errefusatu egin dute Gobernuak aurkeztutako argudioak. Trumpen ordezkariek esan zuten debekua bertan behera utziz gero herrialdea arriskuan egongo litzatekeela eta Gorteak ez duela auzia aztertzeko eskumenik.
Epaileen arabera, Gobernuak "huts egin" zuen, segurtasun nazionalaren argudioa aurkeztean.
Trumpek atzera egin du Txinaren aurrean
Donald Trump AEBko presidenteak hitza eman dio Xi Jinping presidente txinatarri 'Txina bakarraren' politika mantenduko duela, Etxe Zuriak zabaldu duenez. Jimmy Carterrek bultzatu zuen politika hori, 1979an, Taiwanekin diplomazia-harremanak hautsi ostean.
Trumpek eta Xik elkarrizketa "luzea eta oso atsegina" izan dute telefono bidez. Horretan, "hainbat gai" izan dituzte ardatz, besteak beste, presidente estatubatuarrak "Txina bakarraren' politikaren inguruan esandakoak, eta Taipei herrialde gisa aitortzeko mehatxuak, azaroan hauteskundeak irabazi eta gero.
"Trump presidenteak 'Txina bakarraren' politika errespetatzeko konpromisoa hartu du, Xi presidenteak eskatuta", esan du Etxe Zuriak ohar baten bidez.
"Estatu Batuak eta Txinak harremanak eta negoziazioak abiaraziko dituzte, bien interesen aldeko gaietan", Etxe Zuriak bestelako xehetasunik eman gabe gaineratu duenez.
'Txina bakarraren' politikaren ika mika Trumpek hasi zuen, Tsai Ing-wen Taiwaneko presidentearekin hitz egin zuenean, eta azken 40 urteetan Taipei eta Washingtonen artean izan diren mailarik handieneko elkarrizketak izan dira.
Ondoren, presidente estatubatuarrak adierazi zuen ez zuela onartuko Txinak zer egin behar duen "agintzea": "Ez dakit zergatik egon behar dugun 'Txina bakarraren' politikari lotuta, Txinarekin akordiorik egiten ez badugu zenbait arlotan, merkataritza barne".
Hauteskunde kanpainan eta agintaldian, AEBko defizitaren iturria izatea leporatu zien Trumpek Txinari eta Mexikori, enpresek lekuz aldatzen dituztelako lantegiak. Hori dela eta, joera aldatuko zuela promestu zuen Trumpek, Pekinen aurrean.
Orduan, Pekinek ohartarazi zuen 'Txina bakarraren' politika bertan behera utziz gero, bi herrialdeen harremanen egonkortasuna ere bukatu egingo zela esan zuen Xik.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.