Trumpek debekua defendatu du, AEB estremisten santutegi ez izateko
Donald Trump AEBko presidenteak zenbait herrialdetako atzerritarrak herrialdean sartzea debekatzea defendatu du Kongresuan egin duen lehen hitzaldian, terroristen "aurreko taldea" ez izateko.
Presidenteak hitzaldi moderatu eta bakegilea egin du Kapitolioan, inbestidura-saioko jarrera gogorra alde batera utzita, eta alderdi-bitasunaren alde agertuta.
"Ezin dugu onartu terrorismoaren aurreko taldea sortzea Estatu Batuen baitan. Ezin dugu onartu gure nazioa estremisten santutegi bihurtzea", nabarmendu du presidente estatubatuarrak.
"Nire Gobernua azterketa sakonak egiten ari da eta gutxi barru neurriak hartuko ditugu gure herrialdea seguru izaten mantentzeko, eta kalte egin nahi digutenak kanpoan egon daitezen", gaineratu du.
Izan ere, Trumpek gaur, asteazkena, bertan migratzaileen gaineko debekuaren bertsio berrikusia sinatzeko asmoa dauka. Zenbait gauza aldatu dituzte aurrekoarekin alderatuta, legearen ikuspuntutik arazorik ez izateko, hedabide batzuen arabera.
Trump, "In God we trust" historikoaren azpian. Argazkia: EFE
The Wall Street Journak, Politico eta The Washington Post hedabideek, besteak beste, aipatutako Gobernuko iturri anonimoen esanetan, debeku berriak ez die eragingo AEBn modu iraunkorrean bizi direnei, ez eta bisatua dutenei ere.
AEBko presidenteak errefuxiatuen krisialdiaren inguruan esan duenez, "epe luzerako konponbide bakarra" da pertsona horiek euren etxeetara itzuli "ahal izatea, modu seguruan".
"Iraganeko akatsetatik ikasi behar dugu. Gure mundua astindu duten gerra eta suntsipena ikusi ditugu", azaldu du.
"Epe luzerako dagoen konponbide bakarra, horren moduko giza-krisialdien aurrean, desplazatutako pertsonek euren etxeetara itzultzeko aukera izatea da, eta berreraikitzea abiaraztea", gaineratu duenaren arabera.
AEBko Kongresuan ikusmin handia sortu da Trumpen lehen hitzaldia dela eta. Argazkia: EFE
Gainera, Trumpek aliantza berriak sortzeko interesa agertu du Kongresuaren aurrean, "gerrarik eta gatazkarik gabeko mundu baketsu eta egonkortasun" batera eraman gaitzaten.
"Bakea nahi dugu, edonon egonda ere. Gaur, AEB antzinako arerioen lagun da. Gure aliatu nagusietako batzuk, orain dela hamarkada batzuk, aurreko frontean borrokatu ziren munduko gerretan", erantsi duenez.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.