Errepublikanoek osasun legea atzeratu dute, eta Trumpek abisua eman du
Errepublikanoen gehiengoak atzeratu egin du atzoko, osteguna, aurreikusita zuten bozketa, Barack Obama presidente ohiaren osasun legea (Obamacare) bertan behera utzi eta berria abiatzeko, ez dutelako babes nahikoa lortu, Kongresuko zenbait iturrik Eferi azaldu diotenez.
Donald Trump AEBko presidenteak azken orduko bilera izan du Freedom Caucus talde ultraeskuindarrak bere jarrerarekin bat egitea lortzeko, baina kale egin zen saiakeran.
Paul Ryan Ordezkarien Ganberako presidenteak, bere aldetik, prentsaurrekoa egin behar zuen atzo arratsaldean bozketaren inguruan hitz egiteko, baina hori ere atzeratu dute lege berria onartzeko (aldeko 216 boto behar dituzte) babes nahikorik ez dagoela baieztatu dutenean.
"Gaur eztabaidatzen jarraituko dugu, behar beste aldeko boto ez dugulako. Egoera aztertzen ari gara, aurrerapausoak izan dira, baina (Etxe Zuriaren) hauteskunde-kanpainan egindako iragarpen bat bete ez ezik, horrek estatubatuar ororen seguruen kostuak jaistea ere egingo luke", esan du mark Meadows Freedom Caucusen presidenteak.
Demokratak, aldiz, bat eginda daude Obamacare sistemak indarrean jarrai dezan. Gutxienez 22 errepublikanok kontra bozkatzen badute, Trumpek lehen porrot handia pairatuko luke, eta atzo 20 baino gehiago ziren ezetzaren alde agertu zirenak, zenbait hedabideren eta Gobernuko iturrien arabera.
Sean Spicer Etxe Zuriko bozeramaleak egunero egiten duen prentsaurrekoan adierazi zuenez, legearen aldeko ordezkarien kopuruan gora egiten jarraitzen du eta Trumpek Freedom Caucus taldearekin egindako bilerak "aurrerapausoa" izan zen, osasun sistemaren erreforma onartzeko bidean.
Alderdi Errepublikanoaren baitan izaten ari diren negoziazioen arazoa ultraeskuindarrek egiten duten eskakizunek moderatuenen babesa jaistea eragiten dutela da.
Honen guztiaren ondoren, Trumpek ultimatuma eman dio errepublikanoen taldeari osasunaren lege berriaren gaineko negoziazioak ez luzatzeko.
"Bihar (ostirala) bozketaren ordua izango da", esan du, ondoren, Sean Spicerrek Fox Newsen.
"Hori izango da aukera hainbat urtez Obamacare bertan behera utzi eta ordezkatzeko legearen zain egon direnentzat" gaineratu duenez.
ineratu duenez.Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.